जनकपुरधाममा २ दिन मासु मदिरा निषेध
वि.सं.२०७८ चैत २ बुधवार
जनकपुरधाम । धनुषा प्रशासनले जनकपुरधाम क्षेत्रभित्र दुई दिन माछा, मासु मदिरा बिक्री बितरण तथा सेवन गर्न रोक लगाएको छ । जनकपुरधाममा मिथिला परिक्रमाको टोली प्रवेश गर्ने भएकाले बिहीबार र शुक्रबार माछा, मासु, मदिरा बिक्रीमा रोक लगाइएको हो।
लागूऔषध, मदिरा, भाँग र अन्य उत्तेजक मादक पदार्थ खाएर सबारी साधन चलाउन, हुलहुज्जत गर्न, चर्काे स्वरमा बाजा बजाउन र डिजे संचालन नगर्ने भनेर सूचना निकालेको प्रमुख जिल्ला अधिकारी सुरेन्द्र पौडेलले जानकारी गराए ।
भनिएको छ ।
यसैगरि होली पर्व मनाउने नाममा जथाभावी रंग दल्ने, लोला हान्ने, बाटो ढुकेर बटुवालाई रंग लगाउने, बाटो अवरोध गरी सवारीसाधनबाट रकम असुल्ने जस्ता अराजक कार्य पनि नगर्न सचेत गराइएको छ । उपरोक्त कार्यहरु गरेको पाइएमा कानुन अनुसार कार्वाही हुने प्रमुख जिल्ला अधिकारी पौडेलले बताएका छन् ।
प्रकाशित समय : २१:३६ बजे
