काठमाडौँ । साताको दोस्रो कारोबार दिन आज पनि सेयर बजारमा भारी गिरावट आएको छ । हिजो (आइतबार) घटेर बन्द भएको बजारले आज पनि सोही गतिलाई निरन्तरता दिएको हो ।
यो दिन सेयर बजार मापक नेपाल स्टक एक्सचेन्ज (नेप्से) ७३ अंकले घटेर २६८५.४२ बिन्दूमा झरेको छ ।

यो दिन नेप्से घटेसँगै कारोबार रकममा पनि गिरवाट आएको छ । आज कारोबारमा आएका २२७ कम्पनीको १ करोड ४ लाख ७८ हजार ६८ कित्ता सेयर किनबेच गर्दा ५ अर्ब १२ करोड ९ लाख ७३ हजार बराबरको कारोबार भएको छ ।

घटेको बजारमा पनि मनकामना स्मार्ट लघुवित्त वित्तीय संस्थाको सेयर मूल्यमा भने सकरात्मक सर्किट लागेको हो । त्यसैगरी मैलुङखोला जल विद्युत कम्पनीको सेयर मूल्यमा पनि उल्लेख्य वृद्धि भएको छ । आज यो कम्पनीको सेयर मूल्यमा ९.९७ प्रतिशत वृद्धि भएको हो ।

यसरी नै आज ६ कम्पनीको सेयर मल्य ६ अंकको आधारदर बनेर घटेको छ । यता समूहगत सूचकहरुमा पनि राताम्मे छाएको छ ।

 

२०७८ असोज ११ गते प्रकाशित