सेयर बजारको पहिरो, कारोबार रकम पनि खुम्चियो
वि.सं.२०८१ असोज १६ बुधवार
काठमाडौं । सेयर बजार आज ( बुधवार) २६.०७ अंकले घटेको छ ।आज बजार परिसूचक २ हजार ५९७.४९ अंकको बिन्दुमा पुगेर बन्द भएको छ । आज फाइनान्स समूह ५४.४६ अंकले वृद्धि भएको छ । यी बाहेकका सबै समूह राताम्य बनेका छन् ।
बजारसँगै कारोबार रकममा पनि गिरावट आएको छ । हिजो ७ अर्ब बढीको कारोबार भएको थियो । तर, आज घटेर ६ अर्ब ७७ करोड ८१ लाख ९५ हजार रुपैयाँ कायम भएको छ । आज १ करोड ५१ लाख ९९ हजार ७६३ कित्ता सेयर किनबेच भएको हो ।
प्रकाशित समय : १५:३४ बजे
