काठमाडौं । नेपाल स्टक एक्सचेञ्ज (नेप्से) ले विन नेपाल लघुवित्त वित्तीय संस्थाको सेयर मूल्य समायोजन गरेको छ ।

नेप्सेले कम्पनीको ९.३३ प्रतिशत बोनस सेयरको मूल्य समायोजनपछि प्रतिकित्ता ९८७ रुपैयाँ ८३ पैसा तोकेको छ ।

कम्पनीको मंगलबार भएको अन्तिम कारोबार मूल्य १ हजार ८० रुपैयाँको आधारमा समायोजन गरेको हो ।

यसैविच नेप्सेले सोमबार नेपाल इन्स्योरेन्स कम्पनी (एनआईसीएल) को मूल्य समायोजन भएको छ । कम्पनीको ११ प्रतिशत बोनस सेयरको मूल्य समायोजन गरेको हो ।

कम्पनीको मूल्य समायोजनपछि नेप्सेले प्रतिकित्ता ५३१ रुपैयाँ ५३ पैसा तोकेको छ । कम्पनीको सोमबार कायम अन्तिम कारोबार मूल्य ५९० रुपैयाँको आधारमा समायोजन गरेको हो ।