काठमाडौं । आठौं सामाजिक सुरक्षा दिवसका अवसरमा विभिन्न कम्पनी सम्मानित भएका छन् ।सामाजिक सुरक्षा कोषका कार्यकारी निर्देशक कविराज अधिकारीले विभिन्न कम्पनीलाई सम्मान गरेको जानकारी दिए । उनीहरूलाई प्रधानमन्त्री सुशीला कार्कीले सम्मान गरेकी हुन् । कार्यकारी निर्देशक अधिकारीका अनुसार सबैभन्दा बढी योगदानकर्ता र योगदान रकमको आधारमा लक्ष्मी सनराइज बैंक, अरिहन्त मल्टी फाइबर्स लिमिटेड, भाटभटेनी सुपरमार्केट, गोर्खा वेलफेयर ट्रस्ट नेपाल र सुदर्शन सेक्युरिटी सर्भिसेज प्रालि रहेका छन् ।

योगदान रकमका आधारमा युलेन्स एजुकेशन फाउन्डेशन, वल्र्ड भिजन इन्टरनेशनल र सिडार गेट सर्भिसेज प्रालि रहेका छन् ।त्यसैगरी, योगदानकर्ताको आधारमा चितवन मेडिकल कलेज, नर्भिक अस्पताल र स्प्राउट टेक्नोलोजी रहेका छन्।सामाजिक सुरक्षा कोषसँग सेवा सम्झौता गरी कोषका योगदानकर्ताहरूलाई स्वास्थ्य सेवा प्रवाह गरिरहेका स्वास्थ्य संस्थाहरूमध्ये सबैभन्दा धेरै योगदानकर्तालाई सेवा प्रदान गर्ने ६ प्रदेशबाट १/१ वटाको दरले जम्मा ६ वटा संस्था छनौट गरिएको कार्यकारी निर्देशक अधिकारीले जानकारी दिए ।

ती संस्थामध्ये कोशी प्रदेशको विराट मेडिकल कलेज शिक्षण अस्पताल, मधेश प्रदेशको नेशनल मेडिकल कलेज, बागमती प्रदेशको काठमाडौँ मेडिकल कलेज, गण्डकी प्रदेशको चरक मेमोरियल हस्पिटल, लुम्बिनी प्रदेशको लर्ड बुद्ध एजुकेशनल एकेडेमी र सुदूरपश्चिम प्रदेशको नवजीवन अस्पताल प्रालि रहेका छन् ।

कर्पाेरेट बजार

प्रकाशित समय : १७:३२ बजे