back
skip this Samagra

माधव नेपाल गठबन्धनमा दृढ, सरकारमा राप्रपा र स्वतन्त्र पार्टीको सहभागिताबारे के भन्छन्?,सरकारको नेतृत्व कसले गर्छ?

राष्ट्रिय स्वतन्त्र पार्टी र राप्रपासँग गठबन्धन होला?

नेपाल कम्युनिस्ट पार्टी (एकीकृत समाजवादी)का अध्यक्ष एवम् पूर्व प्रधानमन्त्री माधवकुमार नेपालले वर्तमान गठबन्धनकै सरकार बन्ने सम्भावना बलियो रहेको बताएका छन्।

उनले “गठबन्धनभित्र सरकार गठनबारे कुराकानी सुरु भएको” बताए।

यद्यपि उनले अहिलेको अवस्थामा सरकार गठन “नेपाली कांग्रेससहितको वा नेकपा एमालेसहितको” दुई वटा विकल्पमा मात्र सम्भव रहेको बताए।

नेपालका भनाइमा चुनावमा समेत तालमेल गरेको कांग्रेस, नेकपा (माओवादी केन्द्र) र उनको दलसहितको सत्ताधारी गठबन्धनले नै सरकार बनाउने अवस्था रहेको छ।

नेकपा एमालेका पक्षबाट सरकार गठनका लागि प्रस्ताव समेत नआएको नेता नेपालले बताए।

सरकारको नेतृत्व कसले गर्छ?
गठबन्धन दलका नेताहरूले सोमवार प्रधानमन्त्री निवास बालुवाटारमा सरकार गठनबारे छलफल गरेको विवरण आएका छन्।

प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहालसहितको उक्त बैठकमा एकीकृत समाजवादीका अध्यक्ष नेपाल समेत सहभागी थिए।

जहाँ सरकार गठनबारे प्रधानमन्त्री देउवाको धारणा के रह्यो भनेर  सोधेको प्रश्नमा उनले “सँगै जानुपर्छ” भनेको नेता नेपालले बताए।

देउवा, प्रचण्ड वा तपाईँ प्रधानमन्त्री को बन्ने हो? भन्ने प्रश्नमा नेपालले भने, “अब हेरौँ न। पात्रका रूपमा तपाईँ भनेका यिनै हुन्।”

यद्यपि उनले सरकारको नेतृत्व कसले गर्ने भन्ने विषयमा आफूहरूबीच छलफल नै नभएको बताए।
नेपाली कांग्रेसका वरिष्ठ नेता रामचन्द्र पौडेलसँगको भेटमा “प्रधानमन्त्रीको हकदार तपाईँ नै हो भन्नुभएछ त” भन्ने प्रश्नमा पनि उनले त्यसलाई अस्वीकार गरेनन्।

नेपालले भने, “जसलाई चाहना हुन्छ ती चाहना भएकालाई तपाईँलाई हक छैन है, तपाईँ लाग्न पाउनुहुन्न भनेर पठाउने हो? स्वाभाविक हो प्रत्येकका कमी/कमजोरी छन्/छैनन् त्यो पार्टी विशेषले आफ्नो मान्छेलाई अगाडि सार्नुपर्‍यो।”

उनले सरकार चलाउन पार्टीहरूले आलोपालो गर्नेबारे छलफल नभएको दाबी गरे।

नेपालका भनाइमा “अप्ठ्यारो अवस्थामा पनि साथ रहेकाले गठबन्धन दलहरू सरकारमा पनि साथै” रहनेछन्।

राष्ट्रिय स्वतन्त्र पार्टी र राप्रपासँग गठबन्धन होला?
गठबन्धनमा सहभागी दलहरूको बहुमत नपुगेमा राप्रपा र स्वतन्त्र पार्टीसँग गठबन्धनको सम्भावनाबारे सोधिएको प्रश्नमा नेपालले स्पष्ट बताउन चाहेनन्।

“अहिलेसम्म छलफल भएको छैन। कुराकानीहरू भएको छैन। अब हेर्दै जाऊँ। किनभने अहिले मैले कसैको बारेमा नकारात्मक बोल्न मिल्दैन।”

अहिले नबोल्ने आवश्यकता पर्‍यो भने बोलाइहाल्ने नत्र भने गाली गर्ने त भनेर सोधिँदा उनले भने, “गर्नुपर्छ नि! आवश्यकताको सिद्धान्तले के-के गर्छ के-के?”

“… आदर्शले मात्र पनि चल्दैन, आदर्शलाई त्यागेर मात्र पनि चल्दैन।”

चुनावमा केपी ओलीसँग तालमेल गरेकाले ‘पश्चगामी’ भनेर आरोपित गरेको राप्रपासँग पनि गठबन्धन हुनसक्छ? भन्ने प्रश्नमा उनको जवाफ थियो, “अहिलेसम्म त्यहाँ प्रवेश गरिहाल्नु परेको छैन। भर्खर भर्खर नयाँ समीकरणको ढोका खुल्दै छ। अब हेरौँ नयाँ समीकरणले कहाँ पुर्‍याउँछ।”

चुनावमा नेकपा समाजवादीको अवस्था
निर्वाचन आयोगका अनुसार प्रत्यक्ष निर्वाचन प्रणालीअन्तर्गत नेपालको दल चौथो स्थानमा रहेको छ।

उसले प्रत्यक्षतर्फ १० स्थानमा जित हासिल गरेको छ।

समानुपातिकतर्फ भने उक्त दल अहिलेसम्म आठौँ स्थानमा रहेको छ र राष्ट्रिय दल बन्न कटाउनुपर्ने तीन प्रतिशत मत प्राप्त गरिसकेको देखिँदैन।

यद्यपि समानुपातिकको मतगणनाको अन्तिम परिणाम आउन अझै केही दिन लाग्ने आयोगले जनाएको छ।

समानुपातिकतर्फ भने उक्त दल अहिलेसम्म आठौँ स्थानमा रहेको छ र राष्ट्रिय दल बन्न कटाउनुपर्ने तीन प्रतिशत मत प्राप्त गरिसकेको देखिँदैन।

यद्यपि समानुपातिकको मतगणनाको अन्तिम परिणाम आउन अझै केही दिन लाग्ने आयोगले जनाएको छ।

 


निर्माण उद्योगको विकासमा सरकार बाधक : रवि सिंह

निर्माण उद्योगको विकासमा सरकार बाधक : रवि सिंह

वि.सं.२०८० फागुन ८ मंगलवार १२:०९

नेपालमा निर्माण क्षेत्रमा काम गर्ने समय भनेको मंसिरदेखि जेठसम्म हो...

संवेदनशील विषयलाई कसैले पनि राजनीतिक स्वार्थ सिद्ध गर्नै माध्यम बनाउनु हुदैन : पुर्ब रास्ट्रपति भन्डारी

संवेदनशील विषयलाई कसैले पनि राजनीतिक स्वार्थ सिद्ध गर्नै माध्यम बनाउनु हुदैन : पुर्ब रास्ट्रपति भन्डारी

वि.सं.२०८० फागुन ७ सोमवार २०:०७

काठमाडौँ । पूर्वराष्ट्रपति विद्यादेवी भण्डारीले पीडितलाई केन्द्रबिन्दुमा राखेर शान्ति प्रक्रियाका...

प्रजातन्त्र दिवसका अवसरमा टेलिकमले ल्यायो विभिन्न अफर

प्रजातन्त्र दिवसका अवसरमा टेलिकमले ल्यायो विभिन्न अफर

वि.सं.२०८० फागुन ६ आइतवार १५:१७

काठमाडौं । नेपाल टेलिकमले प्रजातन्त्र दिवसको अवसरमा शहीद परिवार र...

देश विकासको भिजन: पूर्व अर्थमन्त्री पाण्डे

देश विकासको भिजन: पूर्व अर्थमन्त्री पाण्डे

वि.सं.२०८० फागुन ५ शनिवार २१:४९

सामान्य समाज विकासको अध्यायमा कृषि युगपछि उद्योगधन्दा, बन्द व्यापार र...

पालिका संख्या मर्जरमा जानु आवश्यक : बालानन्द पौडेल

पालिका संख्या मर्जरमा जानु आवश्यक : बालानन्द पौडेल

वि.सं.२०८० फागुन ५ शनिवार २१:२५

नेपाललाई विकासको हिसाबले अगाडि बढाउने क्रममा पञ्चायतदेखि नै गाउँ पञ्चायतको...

आईएमएस ग्रुप र सबको फोनबिच मोबाइल एक्सचेन्जका लागि साझेदारी

आईएमएस ग्रुप र सबको फोनबिच मोबाइल एक्सचेन्जका लागि साझेदारी

वि.सं.२०८० फागुन ३ बिहीवार ०८:३५

काठमाडौं । नेपालका लागि सामसङ फोनको राष्ट्रिय वितरक ‘आईएमएस’ र...