आज कुल संक्रमितको ३५ प्रतिशत बढी संक्रमित काठमाडौँमा भेटिए
वि.सं.२०७८ वैशाख १२ आइतवार
काठमाडौँ । अब भने काठमाडौँ उपत्यकामा कोरोना संक्रमण भयावह हुने लक्षण देखिएको छ । आइतबार मुलुकभर देखिएको संक्रमित मध्ये लगभग ३७ प्रतिशत संक्रमति उपत्यकामा भेटिएका हुन । आज काठमाडौँ उपत्यकामा एक हजार चार सय ९८ जना कोरोना संक्रमण पुष्टि भएको छ ।
भक्तपुरमा ९६, ललितपुरमा दुई सय ७० र काठमाडौंमा एक हजार एक सय ३२ गरी उपत्यकामा मात्रै एक हजार चार सय ९८ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको हो । नेपालमा कूल संक्रमितको सङ्ख्या तीन लाख २०९ पुगेको छ।
प्रकाशित समय : १२:०६ बजे
