कांग्रेस पदाधिकारीको आकस्मिक बैठक बस्दै
वि.सं.२०७८ जेठ ८ शनिवार
काठमाडौं । प्रधानमन्त्रीको सिफारिसमा राष्ट्रपति विद्यादेवी भण्डारीले संसद विघटन गरेपछि नेपाली कांग्रेसको आकस्मिक पदाधिकारी बैठक बस्न लागेको छ ।
बैठक अहिले ९ बजे देउवा निवासमा बस्न लागेको हो । बैठकमा राष्ट्रपति र प्रधानमन्त्रीको कदमबारे छलफल हुने कांग्रेस प्रवक्ता विश्व प्रकाश शर्माले जानकारी दिए ।
राष्ट्रपतिबाट केपी शर्मा ओली र शेरवहादुर देउवा दुवैजनाको बहुमतको आधार नदेखिएको भन्दै प्रधानमन्त्रीमा नियुक्त गर्न नमिल्ने विज्ञप्ति जारी गरेपछि राति बसेको मन्त्रिपरिषदको आकस्मिक बैठकले प्रतिनिधिसभा भंग गरी नयाँ निर्वाचनको मिति तोकेको थियो ।
२०७८ जेठ ८ गते प्रकाशित
प्रकाशित समय : ०३:१३ बजे
