काठमाडौँ । पछिल्लो २४ घण्टामा थप ३ हजार ६ सय ११ जनामा कोरोना संक्रमण पुष्टि भएको छ । सोही अवधिमा १४ हजार ६ सय ६१ जनामा गरिएको परिक्षणमा ३ हजार ६ सय ११ जनामा संक्रमण पुष्टि भएको हो ।

पिसिआर परिक्षण विधिबाट २ हजार ४ सय ६७ र एन्टिजेन विधिबाट १ हजार १ सय ४४ जनामा कोरोना संक्रमण पुष्टि भएको छ ।

पछिल्लो २४ घण्टामा २७ जनाको कोरोना संक्रमणबाट मुत्यु भएको छ । यो संगै कोरोना संक्रमणका कारण ज्यान गुमाउनेको संख्या ९ हजार ८ सय ३४ पुगेको छ ।

त्यसैगरी सोहि समयमा १ हजार ८ सय १६ जना कोरोना संक्रमणमुक्त भएका छन । यो संगै कोरोना संक्रमणमुक्त हुनेको संख्या ६ लाख ५२ हजार २ सय ६१ पुगेको छ । हाल देशभर ३१ हजार १४ जना संक्रिय संक्रमित रहेका छन ।

२०७८ साउन १५ गते प्रकाशित