पत्रकार महासंघ काठमाडौँ शाखाको पहलमा पत्रकारलाई खोप उपलब्ध
वि.सं.२०७८ असार २८ सोमवार
काठमाडौँ । नेपाल पत्रकार महासंघ काठमाडौ शाखाको विषेश पहलमा पत्रकारको लागि कोरोना विरुद्धको खोप उपलब्ध भएको छ । उक्त खोप पत्रकारहरुले भोली देखि तीन दिन (असार २९, ३० र ३१ गते) भित्रमा लगाउन सक्नेछन् । महासंघ काठमाडौँ शाखाको विशेष पहलमा उपलब्ध भएको उक्त खोप पत्रकारहरुले सशस्त्र प्रहरीवलको अस्पताल वलम्वुमा गएर लगाउन सकिनेछ ।
नेपाल पत्रकार महासंघ काठमाडौं शाखा सदस्य तथा उपत्यका प्रदेश कमिटी कार्यसमिति सदस्य अधिवक्ता बिष्णु कुमार गीरी र अर्का अधिवक्ता लिलानाथ घिमिरेले नेपाल पत्रकार महासंघ काठमाडौं शाखाले माग गरे बमोजिम पत्रकारलाई खोप उपलब्ध गराउन भनि केही दिन अगाडी अन्तरिम आदेश माग गर्दै सर्वोच्चमा रिट दाएर गरेका थिए ।
फलस्वरुप शाखाको माग बमोजिम खोप उपलब्ध भएको हो । पत्रकारहरुले महासंघको सदस्यता कार्ड तथा सूचना विभागद्धारा जारि पत्रकार परिचय पत्र देखाएर उक्त खोप लगाउन सक्नेछन् ।
२०७८ असार २८ गते प्रकाशित
प्रकाशित समय : १२:१७ बजे
