काठमाडौँ । राष्ट्रिय गौरबको माथिल्लिो तामाकोशी जलविद्युत आयोजना आज प्रधानमन्त्री केपी शर्मा ओलीले उद्घाटन गरेका छन् । उद्घाटनसँगै ४५६ मेगावाट मध्ये ७६ मेगावाट विद्युत राष्ट्रिय प्रसारणमा जोडिएको छ ।

तामाकोशीमा रहेका ७६–७६ मेगावाटका ६ वटा युनिटबाट भदौ महिनाभित्रै पूर्ण क्षमतामा बिजुली उत्पादन गर्ने लक्ष्य राखिएको छ ।

आयोजना निर्माणको करिब ११ वर्षपछि पहिलो युनिटबाट विद्युत् उत्पादन सुरु भएको हो । यसको सुरुमा लागत ३५ अर्ब रुपैयाँ रहेपनि अहिलेसम्म आउँदा ८४ अर्ब रुपैयाँभन्दा बढी पुगेको छ ।

आयोजनाको उद्घाटनका क्रममा प्रधानमन्त्री ओलीले आयोजना निर्माणमा ढिला हुँदा निर्माणका लागि अनुमान गरेको लागत जति नै बढी खर्च भएको बताएका छन् ।

५ वर्ष अघि विद्युत उत्पादन भएको भए जति विद्युत उत्पादन, खपत हुने थियो त्यो हुन नसकेको नसकेको भन्दै उनले यो चिन्ता समेत व्यक्त गरेका छन् । उनले आयोजनामा नदेखिने गरी धेरै नै नोक्सान भएको र त्यसले नदेखिने गरी निकै घाटा भएको बताएका हुन् । आयोजनाको विलम्बले प्रत्यक्ष र परोक्ष रुपमा असाधारण क्षती पुगेको उनको भनाई थियो ।

आयोजनाको उद्घाटनका क्रममा प्रम ओलीले उपप्रधान तथा उर्जा मन्त्री बिष्णु प्रसाद पौडेलले यो आयोजना सञ्चालनमा आएपछि आर्थिक वृद्धिमा करिब एक प्रतिशत योगदान दिने दाबी समेत गरेका छन् ।

त्यस्तै, आयोजनाको सुरु हुँदा तत्कालिन उर्जा मन्त्री गोकर्ण विष्ट थिए । विष्ट ऊर्जा मन्त्री भएको बेला २०६८ साल जेठ ४ गते तत्कालीन प्रधानमन्त्री झलनाथ खनालले उक्त आयोजना शिलान्यास गरेका थिए ।

२०७८ असार २१ गते प्रकाशित