सेयर बजारमा परेन संसद विघटनको प्रभाव: नेप्से ३२ अंकले बढ्दा साढे ११ अर्ब माथिको कारोबार
वि.सं.२०७८ जेठ ९ आइतवार
काठमाडौं । साताको पहिलो कारोबार दिन नेप्से परिसूचक १ दशमलव १८ प्रतिशतले बढेर ३२ दशमलव ८१ को विन्दुमा कायम भएको छ । दिनभरिमा कारोबारमा आएका २२० वटा कम्पनीको २ करोड ५१ लाख ६३ हजार ६ सय ६० कित्ता शेयर किनबेच हुँदा ११ अर्ब ६९ करोड रुपैयाँमाथिको शेयर कारोबार भएको छ ।
आज सबैभन्दा धेरै नेपाल पुनर्बीमा कम्पनीको सर्वाधिक कारोबार भएको छ । कम्पनीको ४१ करोड ८६ लाख रुपैयाँको शेयर कारोबार भएको छ । नेशनल लाइफ इन्स्योरेन्सको ३७ करोड १४ लाख रुपैयाँको शेयर कारोबार भएको छ ।
त्यस्तै, १६ कम्पनीको शेयरमा सकारात्मक सर्किट लागेको छ । कर्णली डेभलपमेन्ट बैंक र ग्रिन डेभलपमेन्ट बैंकका लगानीकर्ताले १० प्रतिशतका दरले कमाएका छन् भने महालक्ष्मी बैंकका लगानीकर्ताले ९ दशमलव ९६ प्रतिशतका दरले कमाएका छन् ।
रुरु जलविधुत्का लगानीकर्ताले ३ दशमलव ७३ प्रतिशतका दरले कमाएका छन्। समता लघुवित्तका लगानीकर्ताले ३ दशमलव ६८ प्रतिशतले गुमाएका छन् ।
२०७८ जेठ ९ गते प्रकाशित
प्रकाशित समय : ०९:४८ बजे
