वीरगञ्ज उद्योग वाणिज्य संघको संयोजकमा अग्रवाल मनोनित
वि.सं.२०७८ वैशाख १० शुक्रवार
वीरगञ्ज–वाणिज्य समितिको संयोजकमा सङ्घका वरिष्ठ उपाध्यक्ष अनिलकुमार अग्रवाल मनोनित भएका छन् । वीरगञ्ज उद्योग वाणिज्य संघले विभिन्न समितिका संयोजक मनोनित गर्ने क्रममा संघका अध्यक्ष सुवोधकुमार गुप्ताले अग्रवाललाई मनोनित गरेका हुन् ।
त्यसैगरी उद्योग समितिको संयोजकमा उपाध्यक्ष हरिप्रसाद गौतम र रोजगारदाता समितिको संयोजकमा अर्का उपाध्यक्ष माधव राजपाल मनोनित भएका छन् । अध्यक्ष गुप्ताले उद्योग, वाणिज्य र रोजगारदाता समिति महत्वपूर्ण भएको बताए ।
उद्योग र व्यापार फस्टाउने वातावरण निर्माण गर्न समितिहरूले परिणाममुखी भूमिका खेल्ने विश्वाससमेत उनले व्यक्त गरे । सो अवसरमा मनोनित संयोजकहरूले सरोकारमा एजेण्डालाई सम्बन्धित निकायमा प्रभावकारी ढंगबाट उठाउने प्रतिबद्धता व्यक्त गरेका थिए । उनीहरूले उद्योग र व्यापार क्षेत्रका समस्याको निरुपणमा रचनात्मक भूमिका निर्वाह गर्नेमा ऐक्यबद्धता जाहेर गरे ।
प्रकाशित समय : ०६:०२ बजे
