काठमाडौँ। साताको अन्तिम कारोबार दिन आज नेपाली बजारमा सुनको मूल्यमा भारी गिरावट आएको छ ।

आज सुनको मूल्य एकैदिन १ हजार ४०० रुपैयाँले घटेको हो। योसँगै प्रतितोला फाइन गोल्ड ८९ हजार १०० रुपैयाँ र तेजाबी गोल्ड ८८ हजार ६५० रुपैयाँमा झरेको छ।
हिजो बिहीबार पनि सुनको भाउ तोलामै ७०० रुपैयाँले घटेको थियो।

यो दिन प्रतितोला फाइन गोल्ड ९० हजार ५०० रुपैयाँ र तेजाबी गोल्ड ९० हजार रुपैयाँमा कारोबार भएको थियो।

आज चाँदीको भाउ पनि तोलामा ३० रुपैयाँले घटेर १ हजार १७० रुपैयाँ कायम भएको छ। हिजो भाउ स्थिर रहँदै चाँदी १ हजार २०० रुपैयाँमा किनबेच भएको थियो।
२०७८ असोज १ गते प्रकाशित