काठमाडौँ । नेपाल सुनचाँदी ब्यवसायी महासंघका पदाधिकारीहले प्रधानमन्त्री शेर बहादुर देउवालाई सुनचाँदी व्यावसय सञ्चालन सम्बन्धी प्रष्ट ऐन ल्याउन आग्रह गरेका छन् । आज व्यावसायी र प्रधानमन्त्ती देउवाबीचको भेटवार्तामा व्यावसायीले यस्तो आग्रह गरेका हुन् ।

नेपाल सुनचाँदी ब्यवसायी महासंघका अध्यक्ष माणिक रत्न शाक्यको नेतृत्वमा गएको महासंघको प्रतिनिधिमण्डलले नवनियुक्त प्रधानमन्त्री देउवासँग प्रष्ट ऐन तथा नीति निर्देशिकाको अभावमा ब्यवसाय सञ्चालनमा कठीनाई उत्पन्न भएको गुनासो गरेका हुन् ।

त्यसक्रममा प्रधानमन्त्री देउवाले सुनचाँदी ब्यवसायी महासंघले राखेमा माग सम्बोधन गर्न पहल गर्ने आश्वासन दिएका छन् । उनले ब्यवसायीमाथि परेमा समस्या समाधानगर्न सरकार सदैव तयार रहेको बताउका हुन् ।

भेटमा नेपाली काँग्रेसका सांसद मिन बहादुर विश्वकर्माले ब्यवसायीका लागि आवश्यक पर्ने ऐन निर्माणक लागि आफ्नो तर्फबाट सक्दो सहयोग गर्ने प्रतिविद्धता ब्यक्त गरे ।

उहाँले सुनचाँदीको कारोबार सम्वन्धी ऐन नहुँदा सुनचाँदी ब्यवसाय सञ्चालनमा समस्या आएको बिषयमा आफू जानकार रहेको उल्लेख गर्दै यो समस्या सिघ्र समाधान हुनुपर्ने आवश्यकता औंल्याए ।

२०७८ साउन ११ गते प्रकाशित