काठमाडौँ । सेयर बजारमा बुधबार सामान्य गिरावट देखिएको छ । पछिल्लो समय घट्दो क्रममा रहेको पुँजी बजार परिसुच आज ४.१३ अंकले घटेको हो ।
आज ०.१५ प्रतिशतले घटेको नेप्से २८२३.८८ अंकमा कायम भएको छ ।

यसरी यो दिन कारोबारमा आएका २२० कम्पनीको १ करोड ६२ लाख कित्ता सेयर किनबेच हुँदा ५ अर्ब ८३ करोड रुपैयाँको बराबरको मात्रै कारोबार भएको छ । आज ९५ कम्पनीको मूल्य घटेको छ भने ७५ कम्पनीको सेयर मूल्य बढेको छ ।

समूहगत उपसूचकमध्ये विकास बैंक तथा वित्त समूहमा उल्लेख्य सुधार आएको छ । बैंकिङ, होटल तथा लगानी समूह भने घटेका छन् ।

पोखरा, सेन्ट्रल, नेपाल, मल्टिप्रपोज र प्रोग्रेसिभ फाइनान्सको सेयर मूल्य करिब १० प्रतिशतले बढेका छन् भने नेपाल इन्स्योरेन्सको सेयरमा लगानीकर्ताको आकर्षण देखिएको छ । कम्पनीको ३० करोडभन्दा बढीको सेयर किनबेच भएको छ ।

२०७८ असार १६ गते प्रकाशित