काठमाडौँ । सरकारी कर्मचारीको तलव आगामी वर्षदेखि मासिक २ हजारले बढेको छ । सरकारले आगामी वर्षको बजेटमा सरकारी कर्मचारीको तलब बढाएको जनाएको हो । आगामी आर्थिक वर्षको बजेट सार्वजनिक गर्दै अर्थमन्त्री विष्णु पौडेलले सम्पूर्ण राष्ट्र सेवक कर्मचारीको तलव मासिक २ हजारको दरले बढाउने घोषणा गरेका हुन् । आगामी साउन १ देखि यो लागु हुने छ।

त्यस्तै सरकारले महंगी भत्तालाई निरन्तरता दिएको छ भने सबै प्रदेशमा सरकारी कर्मचारीको लागि सामुहिक आवास बनाउने घोषणा गरेको छ । कर्मचारी संचय कोष र नागरिक लगानी कोषले यी आवास बनाउने छन् ।

त्यस्तै सरकारले सरकारी कर्मचारीको सामुहिक दुर्घटना बीमा र स्वास्थ्य बीमाको प्रिमियम सरकारले तिर्ने घोषणा गरेको छ ।

२०७८ जेठ १५ गते प्रकाशित