साना लगानीकर्तालाई सेयर बेच्नसाथ भुक्तानी दिन सेबोनको आग्रह
वि.सं.२०७८ वैशाख ३० बिहीवार
काठमाडौं । नेपाल धितोपत्र बोर्डले साना सेयर लगानीकर्ताहरुलाई सेयर बेच्ने वित्तिकै भुक्तानी दिन आग्रह गरेको छ । सेबोनले साना लगानीकर्ताहरुलाई घर खर्च चलाउन तथा उपचारमा सहयोग पुग्ने गरि सम्भव भएसम्म सेयर बेचेको रकम तत्काल उपलब्ध गराउन ब्रोकर कम्पनीहरुलाई निर्देशन दिएको हो ।
कोभिड महामारिका बीच साना लगानीकर्ताहरुले घरखर्च चलाउन तथा औषधी उपचारका लागि आवश्यक रकम माग गरेको अवस्थामा बेच्ने वित्तिकै उपलब्ध गराएर सहयोग गर्न बोर्डले भनेको हो ।
धितोपत्र बोर्डले ब्रोकर तथा मर्चेन्ट बैंकरहरुलाई तीन जना कर्मचारीबाट कार्यालय सञ्चालन गर्न पनि निर्देशन दिएको छ ।
प्रकाशित समय : ०८:४२ बजे
