२६ वैशाख, काठमाडौं । अजोड इन्स्योरेन्सले चालु आर्थिक वर्षको तेस्रो त्रैमासमा ७३ दशमलव ८६ प्रतिशतले नाफा बढाएको छ । कम्पनीले चालु आर्थिक वर्ष ०७७–७८ को चैत मसन्तसम्म ६ करोड ११ लाख ६ हजार रुपैयाँ खुद नाफा आर्जन गरेको हो। जुन, गत आर्थिक बर्षको सोहि अवधिमा खुद नाफा ३ करोड ५१ लाख ४५ हजार रुपैयाँ आर्जन गरेको थियो ।
त्यस्तै, यस अवधिमा कम्पनीको बीमा कोषको आकार ९३.०५ प्रतिशतले बढेर ९ करोड २९ लाख २५ हजार रुपैयाँ पुगेको छ । गत आर्थिक बर्षको सोहि अवधिमा बीमा कोषको आकार ४ करोड ८१ लाख ३५ हजार रुपैयाँ रहेको थियो । त्यस्तै, यस अवधिमा कम्पनीको खुद बीमा शुल्क ६१.६४ प्रतिशतले बढेर २९ करोड ९० लाख ४ हजार रुपैयाँ पुगेको छ । गत आर्थिक बर्षको सोहि अवधिमा १८ करोड ४९ लाख ७७ हजार रुपैयाँ रहेको थियो ।

त्यस्तै, यस अवधिमा कम्पनीको चुक्ता पूँजी ४२.८५ प्रतिशतले बढेर १ अर्ब रुपैयाँ रहेको छ । गत आर्थिक बर्षको सोहि अवधिमा कम्पनीको चुक्ता पूँजी ७० करोड रुपैयाँ रहेको थियो । त्यस्तै, यस अवधिमा रिजर्भ फण्ड १२६.२४ प्रतिशतले बढेर ७ करोड ५५ लाख १५ हजार रुपैयाँ रहेको छ । गत आर्थिक बर्षको सोहि अवधिमा रिजर्भ फण्ड ३ करोड ३३ लाख ७८ हजार रुपैयाँ रहेको थियो ।

प्रतिसेयर आम्दानी ८ रुपैयाँ १५ पैसा छ । प्रतिसेयर नेटवर्थ ११७.६८ रुपैयाँ रहेको छ । यस अवधिमा कम्पनीको कूल दावी भुक्तानी १०१.५४ प्रतिशतले बढेर ५० करोड २९ लाख ९५ हजार रुपैयाँ रहेको छ । गत आर्थिक बर्षको सोहि अवधिमा १६ करोड ६८ लाख ५ हजार रुपैयाँ रहेको थियो । त्यस्तै, यस अवधिमा भुक्तानी हुन बाँकि रकम ७७८.६६ प्रतिशतले बढेर ४३ करोड ९३ लाख ५० हजार रुपैयाँ रहेको छ । गत आर्थिक बर्षको सोहि अवधिमा ५ करोड रुपैयाँ रहेको थियो ।

कर्पाेरेट बजार

प्रकाशित समय : ०५:०१ बजे