काठमाडौँ । आज मंगलबार सेयर बजारमा भारी गिरावट आएको छ । यो दिन नेप्से सूचक करिब ८० अंकले घटेको हो । यो सँगै नेप्से २७४९.८६ बिन्दूमा कायम भएको छ ।

यो दिन कारोबारमा आएका २२५ कम्प्नीको १ करोड १९ लाख १७ हजार ७७ कित्ता किनबेच हुँदा ६ खर्ब ५२ लाख ७७ हजार रुपैयाँ बराबरको कारोबार भएको हो ।

ठूला कम्पनीहरुको कारोबार मापक सूचक सेन्सेटिभ इन्डेक्स पनि १६.०२ अंकले घटेर ५१२.८२ बिन्दुमा झरेको छ । यसदिन कूल २२५ वटा कम्पनीको १ करोड १९ लाख १७ हजार ७७ कित्ता शेयर १ लाख ६६६ वटा संख्यामा खरिद बिक्री भएको नेप्सेले जनाएको छ ।

स्टकका अनुसार कारोबारमा आएका १३ उपसमूहमध्ये वित्त र विकास बैंक ५ प्रतिथशत माथि घट्दा अन्य ४ प्रतिशत धेरैले घटेको छ । होटल, जलविद्युत र निर्जीवन बीम ३ प्रतिशत धेरैले घट्दा ब्यापार, उत्पादन, लघुवित्त, जीवन बीमा, म्युचुअल फण्ड र लगानी सूचक २ प्रतिशतभन्दा धेरैले घटेको छ ।

बैंकहरुले मंसिरदेखि लागू हुनेगरी फेरि मुद्दती निक्षेपमा ब्याजदर बढाउने तयारी गरेपछि यसको प्रभाव बजारमा देखिएको हो । अहिले बैंकहरुले अधिकतम ९.३६ प्रतिशत ब्याज प्रदान गरिरहेका छन् । राष्ट्र बैंकको पछिल्लो निर्देशन अनुसार बैंकहरुले मासिक १० प्रतिशतका दरले ब्याजदर बढाउन पाउनेछन् । अहिलेकै अवस्थामा बैंकहरुले ब्याजदर बढाएमा मंसिरमा मुद्दती निक्षेपको ब्याजदर १०.२९ प्रतिशत कायम हुनेछ ।

त्यस्तै मंगलबार नबिल बैंक लिमिटेडको सर्वाधिक २९ करोड ८२ लाख ८१ हजार रूपैयाँ बराबरको कारोबार भएको छ ।

यसैगरी साहस उर्जा २५.७९ करोड, अपि पावर २२।३६, नेशनल हाइड्रोपावर २०.९४, प्राइम कमर्सियल बैंक २०.८९, अरुण भ्याली १८.२९, लुम्निी विकास बैंक १६.९८, पुनर्बीमा कम्पनी १६.६८, अरुण काबेली पावर १६.५०, र युनाइटेड मोदी हाइड्रोपावरको १६.२० करोडको शेयर खरीद बिक्री भएको छ ।

तीन कम्पनीको शेयरमूल्यमा सकारात्मक सर्किट

मंगलबार कारोबारमा आएका २२५ मध्ये ३ कम्पनीको शेयरमूल्यमा सकारात्मक सर्किट लागेको छ । तेह्रथुम पावर कम्पनी लिमिटेड उर्जा कम्पनी लिमिटेड, र मानुषी लघुवित्त वित्तीय संस्था लिमिटेडको शेयरमूल्य ९.९९ प्रतिशतले बढेको हो । यसैगरी युनिलिभर नेपाल र प्रँयमा कमर्सियल बैंकको शेयरमूल्य समान्य बढेको छ ।

महालक्ष्मी र आइसिएफसिमा नकारात्मक सर्किट

नेपाल धितोपत्र बोर्डले महालक्ष्मी विकास बैंक र आईसिएफसी फाइनान्सको शेयर कर्नरिङको अनुसन्धान गर्ने भएपछि मंगलबार दुबै कम्पनीको शेयरमूल्यमा नकारात्मक सर्किट लागेको छ ।

महालक्ष्मी विकास बैंक लिमिटेडको शेयरमूल्य १० प्रतिशतले घटेर ७९३.८० रूपैयाँ र आईसीएफसी फाइनान्स कम्पनी लिमिटेडको सेयरमूल्य १० प्रतिशतले घटेर ९५६.७० रूपैयाँमा झरेको छ ।

यस्तै मिथिला लघुवित्त ७.४२ प्रतिशत, गुडविल फाइनान्स, युनिभर्सल पावर, सबैको लघुवित्त, रुरु जलविद्युत, घलेम्दी हाइड्रोपावर, कालिका पावर र रिलायन्स फाइनान्सको शेयरमूल्य ६ प्रतिशत बढीले घटेको छ ।