सुनको भाउले नयाँ रेकर्ड राख्दै तोलाको २ हजारले बढ्यो, कतिमा हुँदैछ कारोबार ?
वि.सं.२०८१ कात्तिक २ शुक्रवार
काठमाडौं । आज कात्तिक २ गते शुक्रबार सुनको भाउले नयाँ रेकर्ड कायम गरेको छ । उक्त दिन सुनको भाउ २ हजार रुपैंयाले बढ्दै हालसम्मकै उच्च विन्दुमा पुगेको हो ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख ६४ हजार ४०० रुपैयाँ कायम भएको छ । यो हालसम्मकै उच्च मूल्य हो ।
अघिल्लो दिन बिहीबार सुनको मूल्य प्रतितोला १ लाख ६२ हजार ४०० रुपैयाँ कायम थियो । आज चाँदीको मूल्य ३० रुपैंयाले बढेको छ । उक्त दिन चाँदी प्रतितोला १ हजार ९८० रुपैयाँमा कारोबार भईरहेको छ ।
प्रकाशित समय : ११:१४ बजे
