काठमाडौं । दशैँअघि ११ कम्पनीले शेयरधनीलाई लाभांश प्रदान गर्ने भएका छन् । ११ कम्पनीहरूमध्ये केही कम्पनीहरूले लाभांश दिइसकेका छन् ।

दशैंअघि एक वाणिज्य बैंक, एक होटल, पाँच ओटा हाइड्रोपावर, एक विकास बैंक, एक उत्पादन समूहको कम्पनी र दुई लघुवित्त कम्पनीहरुले लाभांश दिनेछन् । अर्थात् यी कम्पनीको साधारणसभा दशैंअघि नै हुनेछ र केहीको भइसकेको छ ।

साधारणसभा सम्पन्न भएलगत्तै लगानीकर्ताले नगद लाभांश बैंक खातामा पाउँछन् । यद्यपि बोनस सेयरका हकमा डिम्याट खातामा आउन केही समय लाग्ने र सो बोनस सूचीकृत भएपछि मात्रै बेच्न मिल्ने व्यवस्था रहेको छ ।

दशैंअगाडि कुन कम्पनीले कति दिए लाभांश ?

त्यसैगरी दशैंअघि विभिन्न म्युचुअल फन्डका २७ योजनाहरूले लाभांश दिइसकेका छन् । म्युचुअल फन्डले गत आर्थिक वर्षको नाफाबाट इकाइधनीलाई १५ प्रतिशतसम्म नगद लाभांश दिएका छन् ।

म्युचुअल फण्डका विभिन्न नाममा ३६ बन्दमुखी योजना दोस्रो बजारमा सूचीकृत छन् । म्युचुअल फन्डका इकाइधनीले कम्पनीका शेयरधनीको तुलनामा छिटो लाभांश पाउने गरेका छन् । म्युचुअल फन्डको प्रतिइकाई १० रुपैयाँ अंकित मूल्य रहन्छ । प्रतिइकाई १० रुपैयाँमै उनीहरुले लाभांश दिने हुन् ।

म्युचुअल फन्डका इकाइधनीले पाएको लाभांश

नेपालमा खुलामुखी र बन्दमुखी गरी दुई किसिमका म्युचुअल फन्ड सञ्चालनमा छन् । बुक क्लोज भइनसकेका बन्दमुखी योजना दोस्रो बजारबाट खरिद गरेर लाभांश प्राप्त गर्न सकिन्छ ।