काठमाडौं । सरकारले नेपाल आयल निगम लिमिटेडको कार्यकारी निर्देशकमा डा.चण्डिका प्रसाद भट्टलाई नियुक्त गर्ने निर्णय गरेको छ।

मन्त्रीपरिषद्को बैठकले तीन वर्षे कार्यकालका लागि भट्टलाई छनोट गरेको हो। निगमका तत्कालीन कार्यकारी निर्देशक उमेशप्रसादथानीले पदावधि बाँकी छँदै पदबाट राजीनामा दिए पछि रिक्त रहेको पदमा पदपूर्तिका लागि आह्वान गरिएको थियो। १३ जनाप्रतिस्पर्धीलाई पछि पार्दै भट्ट छनोटमा परेका हुन्।

उद्योग,वाणिज्य तथा आपूर्ति मन्त्रालयको सम्बद्ध सार्वजनिक निकायमा पदाधिकारी नियुक्ति तथा मनोनयन सम्बन्धी निर्देशिका,२०७८अनुसार १३ जना प्रतिस्पर्धीबाट सबैभन्दा बढी अंक प्राप्त गर्ने तीन जनाको नाम छनौट समितिले सिफारिस गरेको थियो।

सिफारिसमा परेका डा.चण्डिका प्रसाद भट्ट, ईन्जियर डाक्टर डोल प्रसाद चापागाई र शत्रुघ्न प्रसाद पुडासैनी मध्येबाट सरकारले भट्टलाईनियुक्त गर्ने निर्णय गरेको हो।

भट्ट विशेष आर्थिक क्षेत्र (सेज) को कार्यकारी निर्देशकमा कार्यरत रहेका छन्।