मुक्तिनाथ विकास बैंकको चाडपर्व लक्षित विशेष कर्जा योजना सार्वजनिक
वि.सं.२०८३ भदौ ४ बिहीवार
काठमाडौं । मुक्तिनाथ विकास बैंकले आउन लागेका ठूला चाडहरु तीज, दशैं, तिहार तथा छठ लगायतलाई लक्षित गर्दै कृषि तथा साना तथा मझौला उद्यमीका लागि विशेष कर्जा योजना ल्याएको छ।
चाडपर्वका बेला बढ्ने आर्थिक गतिविधि र व्यवसाय विस्तारलाई प्रोत्साहन गर्ने उद्देश्यले बैंकले कृषि, व्यवसाय तथा साना तथा मझौला उद्यम क्षेत्रमा प्रवाह हुने कर्जामा विशेष सुविधा दिने भएको हो।
बैंकका अनुसार योजनाअन्तर्गत कृषि तथा साना तथा मझौला उद्यम कर्जामा आधार दरमा प्रकाशित प्रिमियम दर मात्र थप गरी कर्जा उपलब्ध गराइनेछ। ग्राहकले न्यूनतम शून्य दशमलव ५० प्रतिशत प्रिमियम दरमै यस्तो कर्जा लिन सक्ने बैंकले जनाएको छ।
कर्जा लिँदा लाग्ने प्रशासनिक शुल्कमा समेत बैंकले २५ प्रतिशत छुट दिने भएको छ। चाडपर्वको समयमा व्यवसाय वृद्धि गर्न चाहने तथा आफ्नो वित्तीय आवश्यकता पूरा गर्न खोज्ने ग्राहकलाई सहजता प्रदान गर्ने उद्देश्यले योजना ल्याइएको बैंकले जनाएको छ।
प्रकाशित समय : १७:५७ बजे
