नेको इन्स्योरेन्सको हकप्रद शेयरमा आवेदन दिने समय थप
माघ १५ गतेसम्म कायम शेयरधनीहरुले आवेदन दिन सक्ने
वि.सं.२०८१ फागुन २८ बुधवार
काठमाडौं। नेको इन्स्योरेन्स कम्पनी लिमिटेडले फागुन ८ गतेदेखि निष्काशन तथा बिक्री खुला गरेको हकप्रद शेयरमा आवेदन दिने समय थप गरेको छ।
इन्स्योरेन्सले निष्काशन गरेको हकप्रद शेयरमा चैत १४ गतेसम्म आवेदन दिन सकिने छ। कम्पनीले हाल कायम ४ कित्ता शेयर बराबर १ कित्ता अनुपातमा (चुक्ता पूँजीको २५ प्रतिशत) हकप्रद शेयर निष्काशन गरेको हो।
इन्स्योरेन्सले ५० करोड ३० लाख ९० हजार १५५ रुपैयाँ बराबरको प्रतिशेयर १०० रुपैयाँ अंकित मूल्यका ५० लाख ३० हजार ९०१ कित्ता हकप्रद शेयर निष्काशनमा ल्याएको छ।
हाल इन्स्योरेन्सको चुक्ता पूँजी २ अर्ब १ करोड २३ लाख ६० हजार ६१९ रुपैयाँ रहेको छ। हकप्रद निष्काशन तथा बाँडफाँटपश्चात इन्स्योरेन्सको चुक्ता पूँजी २ अर्ब ५१ करोड ५४ लाख ५० हजार ७७४ रुपैयाँ पुग्नेछ।
माघ १५ गतेसम्म नेप्सेमा कायम शेयरधनीहरुले हकप्रद शेयरका लागि आवेदन दिन सक्नेछन्।
इन्स्योरेन्सको शेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ।
प्रकाशित समय : ११:०७ बजे
