back

एरोमा इलेक्ट्रिक स्कुटर बिक्री शुभारम्भ हुँदै, यस्तो छ विशेषता

काठमाडौं । विगत ५ बर्ष देखि विद्युतीय तीन पाँग्रे सवारीसाधन आयात गरी त्यसको बिक्री तथा बिक्री पछिको सेवा दिँदै आइरहेको आरोग्य मोटर्सले विद्युतीय दुइ पाँग्रे सवारीसाधनको बिक्री शुभारम्भ गर्न लागेको बताएको छ ।

वातावरणीय प्रभावको सँगसँगै प्रविधिमा भएको आमुल विकासले विश्व बजार नै विद्युतीय सवारीसाधनको उत्पादन तथा प्रयोगमा अघि बढिरहेको परिप्रेक्षमा यो कदम चालिएको कम्पनीको भनाइ छ ।

चीनबाट पार्ट्स ल्याई नेपालमा नै एसेम्बल गरेर नेपाली ब्राण्ड (एरोमा) को नाममा तीन पाँग्रे सवारीसाधन बिक्री गर्दै आइरहेकोमा हाल दुई पाँग्रे सवारीसाधन पनि एरोमा नै ब्राण्ड नेम राखेर आयात तथा बिक्री वितरणको व्यवस्था मिलाइएको कम्पनीको भनाइ छ ।

हालसम्म काठमाडौं, दाङ्ग, बाँके, बर्दिया, कैलाली र कञ्चनपुर जिल्लाका विभिन्न शहर तथा बजारमा डिलर तथा शाखा कार्यालयहरु रहेका छन् भने अन्य शहरमा नयाँ डिलर नियुक्तिको प्रकृया अघि बढाइएको छ । आगामी महिना भरीमा काठमाण्डौं उपत्यका लगायत नेपालका सातैवटा प्रदेशमा डिलरहरु विस्तारको तयारी भइरहेको कम्पनीको भनाइ छ ।

पहिलो चरणमा एरोमा स्कुटरका विभिन्न ३ मोडेल र ५ रङ्गहरुमा बजारमा उपलब्ध हुनेछन् । ३००० वाट क्षमताको मोटर जडित ती स्कुटरहरुमा ७२ भोल्टका ५० तथा ६० एएच लिथियम ब्याट्री प्याक उपलब्ध हुनेछन् । ५० एएच ब्याट्री प्याक भएका स्कुटरको मुल्य २ लाख ५८ हजार र ६० एएच ब्याट्री प्याक भएको स्कुटरको मुल्य २ लाख ७२ हजार रुपैयाँ राखिएको छ । यसै महिनाको १२ गते देखि ती स्कुटरहरु ग्राहकलाई क्रमशः वितरण गर्ने गरी तयारी गरिएको कम्पनीको भनाइ छ ।

२ घण्टा भन्दा कम समयमा फुल चार्ज गर्न सकिने डेडिकेटेड चार्जर यसमा उपलब्ध हुनेछ । एक पटकको फुल चार्जमा करिब १५० किलोमिटर सम्मको रेन्ज दिने भएकाले पनि धेरैको रोजाईमा एरोमा स्कुटर पर्नेमा कम्पनी विश्वस्त भएको बताइएको छ ।

१६० एमएम ग्राउण्ड क्लियरेन्स भएकाले कच्ची तथा पक्की दुबै खालको बाटोमा एरोमा स्कुटर चलाउन सहज हुनेछ । यसमा अगाडि र पछाडिका दुबै पाँग्रामा डिस्क ब्रेक प्रयोग गरिएको हुनेछ । हाम्रो आफ्नै ब्राण्ड भएकाले पनि भविष्यमा नेपाली माटो र आवश्यकता सुहाँउदा अन्य मोडेलहरु ल्याई नेपाली बजारमा विक्री वितरण गर्ने प्रयास हुने बताइएको छ ।

दशैतिहार तथा छठ पर्वको अवसरमा लक्की ड्र मार्फत १० जना ग्राहकलाई गोसाईकुण्डको हेलि टुरको फेस्टिवल स्किम राखिएको समेत राखिएको बताइएको छ ।

देशका प्रमुख शहरहरुमा डिलर लिन इच्छुक व्यवसायीहरुलाई समेत कम्पनीसँग जोडिन आह्वान गरिएको छ ।

 

election

लेभ्निङ इलेक्ट्रिक स्कुटर किन्दा ३२ इन्चको टीभी उपहार, कति पर्छ मूल्य ?

लेभ्निङ इलेक्ट्रिक स्कुटर किन्दा ३२ इन्चको टीभी उपहार, कति पर्छ मूल्य ?

वि.सं.२०७९ मंसिर १५ बिहीवार ११:०९

काठमाडौं । नेपालका लागि लेभ्निङ इलेक्ट्रिक स्कुटरको आधिकारिक वितरक ईभी...

चालु आर्थिक वर्षमा ३ हजार बढी ईभी बिक्री हुने अनुमान,४ महिनामै भित्रिए १ हजार भन्दा बढी

चालु आर्थिक वर्षमा ३ हजार बढी ईभी बिक्री हुने अनुमान,४ महिनामै भित्रिए १ हजार भन्दा बढी

वि.सं.२०७९ मंसिर १४ बुधवार १२:०४

काठमाडौं । कम्वस्चन इन्जिनयुक्त गाडीको आयातमा लगाइएको प्रतिवन्धका कारण विगत...

नेपालमा उपलब्ध सबैभन्दा धेरै रेन्ज दिने इलेक्ट्रिक कार : बीवाईडी अल न्यु ई६

नेपालमा उपलब्ध सबैभन्दा धेरै रेन्ज दिने इलेक्ट्रिक कार : बीवाईडी अल न्यु ई६

वि.सं.२०७९ मंसिर १४ बुधवार ११:५७

काठमाडौं । नेपालमा उपलब्धहरु इलेक्ट्रिक कार मध्ये सबैभन्दा धेरै रेन्ज...

भेस्पाको हाल सम्मकै सबैभन्दा पावरफुल स्कुटर सार्वजनिक

भेस्पाको हाल सम्मकै सबैभन्दा पावरफुल स्कुटर सार्वजनिक

वि.सं.२०७९ मंसिर १४ बुधवार ११:५०

काठमाडौं । टु ह्विल निर्माता कम्पनी पियाजियोले हालै नयाँ स्कुटर...

सुर्खेतमा खुल्यो टोयोटाको नयाँ शोरुमः यस्ता सवारी साधन उपलब्ध हुने छन्

सुर्खेतमा खुल्यो टोयोटाको नयाँ शोरुमः यस्ता सवारी साधन उपलब्ध हुने छन्

वि.सं.२०७९ मंसिर १२ सोमवार ११:४१

सुर्खेत। नेपालका लागि टोयोटा मोटर्सको आधिकारिक वितरक युनाइटेड ट्रेडर्स सिन्डिकेन्ट...

२०० सीसी भन्दा बढी क्षमताका बाइक खोज्नेका लागि केटीएम :सबै मोडलको मूल्य सहित हेर्नुहोस्

२०० सीसी भन्दा बढी क्षमताका बाइक खोज्नेका लागि केटीएम :सबै मोडलको मूल्य सहित हेर्नुहोस्

वि.सं.२०७९ मंसिर १२ सोमवार ११:३४

काठमाडौं । नेपाली बजारमा हाल १५० सीसी भन्दा बढी क्षमताका...