गुराँस लघुवित्तद्धारा १७.७८ प्रतिशत लाभांश घोषणा
वि.सं.२०७८ असोज ११ सोमवार
काठमाडौँ । गुराँस लघुवित्तले चालु आर्थिक वर्षको लागि लाभाशं घोषणा गरेको छ । कम्पनीको आइतबार बसेको संचालक समितिको बैठकले आर्थिक वर्ष ७७–७८ को मुनाफाबाट लाभांश बितरण गर्ने प्रस्ताव गरेको हो ।
जस अनुसार बैंकले हाल कायम चुक्ता पुंजीको १६.९० प्रतिशतले हुन आउने १ करोड ४१ लाख बराबरको बोनस शेयर र कर प्रयोजनको लागि ०.८८९ प्रतिशतले हुन आउने ७ लाख ४२ हजार १ सय ५ रुपैयाँ नगद लाभांश गरि कुल १७.७८ प्रतिशत लाभांश वितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले स्वीकृति दिएपछि कम्पनीको आगामी साधारणसभाले पारित गरेपछि मात्र लगानीकर्तामा बितरण हुने छ ।
हाल कम्पनीको चुक्ता पुंजी ८ करोड ३४ लाख रहेको छ ।
२०७८ असोज ११ गते प्रकाशित
प्रकाशित समय : १२:१७ बजे
