क्रियाशील सदस्यको टुंगो लगायरमात्रै महाधिवेशनको मिति तय गर्ने पौडेल पक्षको निष्कर्ष
वि.सं.२०७८ साउन २८ बिहीवार
काठमाडौँ । नेपाली कांग्रेसको १४ औं महाधिवेशन भदौ २३ मा नहुने निश्चित भएसँगै नयाँ मितिका लागि विवाद सिर्जना भएको छ । नयाँ मिति तय गर्न केन्द्रीय कार्य समिति आज अपरान्ह बैठक बस्दैछ ।
रामचन्द्र पौडेल पक्षका नेताहरूले पहिला क्रियाशिल सदस्यहरुको टुंगो लगाएर मात्रै महाधिवेशन गर्नुपर्ने शर्त राखेका छन् ।
पौडेल पक्षका नेताहरुबीच भएको अनौपचारिक छलफलले क्रियाशील सदस्यता विवाद निरुपण भएपछिमात्र महाधिवेशनको नयाँ मिति तोक्नुपर्ने निष्कर्ष निकालेको हो । यसअघि देउवाले मंसिर र पौडेलले असोजमै महाधिवेशन गर्ने भनेका थिए ।
पौडेलको प्रस्तावमा देउवा पक्ष असहमत भए पनि शेखर कोइराला, गगन थापालगायतका नेताहरूको लाइनमा पौडेल पक्ष एकमत देखिएको छ ।
क्रियाशील सदस्यतामा भएको धाँधली र कार्यकर्ताको गुनासो सम्बोधन नगरी महाधिवेशनको मिति तोक्न नहुने कुरा आज बैठकमा उठ्ने भएको छ ।
२०७८ साउन २८ गते प्रकाशित
प्रकाशित समय : ०५:१७ बजे
