काठमाडौं । ज्योति विकास बैंकले तेस्रो त्रैमासमा आफ्नो नाफा ३८ दशमलव १८ प्रतिशतले बढाएको छ । बैंकले खुद नाफामा सुधार गरी चालु आर्थिक वर्षको तेस्रो त्रैमासमा ६० करोड २५ लाख रुपैयाँ कमाएको हो । जुन गत वर्ष सोही अवधिमा ४३ करोड ६० लाख रुपैयाँ मात्र रहेको थियो । बैंकको वितरणयोग्य नाफा भने ४३ करोड ३१ लाख रुपैयाँ रहेको छ ।

सार्वजनिक विवरण अनुसार बैंकको खुद ब्याज आम्दानी भने ६.३२ प्रतिशतले घटेर १ अर्ब १ करोड ८९ लाख रुपैयाँमा सीमित भएको छ । गत वर्ष यसले १ अर्ब ८ करोड ७८ लाख रुपैयाँ खुद ब्याज आम्दानी गरेको थियो । यता, बैंकको सञ्चालन नाफा भने ३८.२४ ले बढेर ८६ करोड १४ लाख रुपैयाँ पुगेको छ । गत वर्ष बैंकले सोही अवधिमा ६२ करोड ३१ लाख रुपैयाँ सञ्चालन नाफा गरेको थियो ।

चैत मसान्तसम्म ज्योतिको निक्षप संकलन ४५ अर्ब ३१ करोड रुपैयाँ र कर्जा प्रवाह ३९ अर्ब ५३ करोड रुपैयाँ रहेको छ । हाल यसको चुक्ता पुँजी ३ अर्ब ८४ करोड ४८ लाख रुपैयाँ रहेको छ । यस्तै, जगेडा कोषमा ८५ करोड २१ लाख रुपैयाँ र रिटेन्ड अर्निङमा ४३ करोड ६९ लाख रुपैयाँ छ । बैंकको खराब कर्जा ०.७६ प्रतिशत बाट घटेर ०.५८ प्रतिशतमा झरेको छ । यसको प्रतिसेयर आम्दानी बढेर २० रुपैयाँ ८९ पैसा (वार्षिक) र प्रतिसेयर नेटवर्थ १३३ रुपैयाँ ५३ पैसा रहेको छ ।

कर्पाेरेट बजार

प्रकाशित समय : ०६:४५ बजे