काठमाडौँ । मुक्तिनाथ विकास बैंक लिमिटेडले संस्थापक सेयर आजबाट लिलामीमा बिक्रि खुला भएको छ । बैंकको १ लाख बढी कित्ता सेयर आजबाट बिक्रि खुला भएको हो ।

बैंकले १ लाख ५ हजार ४१ कित्ता संस्थापक सेयर लिलामीमा राखेको हो। यो सेयरमा विद्यमान संस्थापक वा योग्य जो कोही व्यक्ति, कम्पनी तथा संघसंस्थाले बोलपत्र पेस गर्न सक्नेछन्।

लिलामीमा राखिएको सेयरको न्यूनतम मूल्य ३२५ रुपैयाँ तोकिएको छ। बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ।

बैंकका अनुसार उक्त सेयरमा बोलपत्र पेस गर्दा न्यूनतम १ हजार कित्ता देखि अधिकतममा १० अंकको गुणांकमा सम्पूर्ण कित्ताका लागि बोलपत्र पेस गर्न सकिनेछ।

बोलपत्र काठमाण्डौको हात्तीसारस्थित मुक्तिनाथ क्यापिटलको कार्यालयमा भदौ २२ गतेसम्ममा पेस गर्नुपर्नेछ।
२०७८ साउन १९ गते प्रकाशित