काठमाडौँ । जीवन विकास लघुवित्तले निष्काशन गरेको आईपिओमा बिक्रि खुला भएको दुई दिनमै १० गुणा बढीको आवेदन परेको छ । ुशुक्रबार(असार ११ गते) बाट बिक्रि खुला भएको लघुवित्तको आइपीओमा आइतबार बिहान १०ः३० बजेसम्ममा १३ लाख १५ हजार ३ सय १० जना आवेदकबाट २ करोड ३८ हजार ९ सय ४० कित्ताको लागे आवेदन परेको हो । जुन माग भन्दा १०.८४ गुणा बढी हो ।

कम्पनीले १ सय मूल्य अंकित दरका १९ करोड ७७ लाख ३० हजार १९ लाख ७७ हजार ३ सय कित्ता शेयर निष्काशन गरेको हो ।

जस मध्ये ३० हजार ४ सय २० कित्ता कम्पनीका कर्मचारीलाई र ९८ हजार ८ सय ३५ कित्ता सामुहिक लगनी कोषलाई छुट्याईएको छ । बाँकि रहेको १८ लाख ४८ हजार १५ कित्ताको लागि सर्वसाधारणले आवेदन दिन सक्ने छन् । आवेदन दिंदा न्युनतम १० कित्ता र अधिकतम १०० कित्ताको लागि दिन सकिने छ । आईपिओमा असार १५ गतेसम्म आवेदन दिन सकिने छ । मेरो शेयर र अनलाइन र सीआश्वा सदस्य रहेका बैंक तथा वित्तीय संस्था मार्फत आवेदन दिन सकिने छ ।

नेपाल धितोपत्र बोर्डले कम्पनीलाई जेठ ३० गते आईपिओ निष्काशनको लागि अनुमति प्रदान गरेको हो । शेयर निष्काशनको लागि एनएमबि क्यापिटल बिक्रि प्रबन्धक रहेको छ । कम्पनीको केन्द्रिय कार्यालय मोरङमा रहेको छ ।

२०७८ असार १३ गते प्रकाशित