काठमाण्डौ  । साहित्यकार तथा पुर्ब बैंकर स्वयम्भु शाक्यद्धारा लिखित ‘धर : पौका अभियन्ता प्रा.डा चुन्दा बज्राचार्य’ पुस्तक लोर्कापर्ण गरिएको छ । शनिवार काठमाण्डौकों सितापाईला स्थीत टायम्स इलिमेन्ट्री स्कुलमा आयोजना गरिएको भब्य कार्यक्रमबीच सो पुस्तक लोर्कापण गरिएको हो ।

पुस्तक लोकार्पण कार्यक्रमको प्र्रमुख अतिथिमा नेपालभाषा साहित्यका अग्रणि ब्यक्तित्व, सँस्कृतिवीद एवं बौद्ध विद्धवान सिद्धहस्त वरिष्ठ कवि फणिन्द्ररत्न बज्राचार्य रहनु भएको थियो । कार्यक्रमको अध्यक्षता ‘धर : पौका इतिहास अभिलेखकर्ता, इतिहासकार तथा सँस्कृतिवीद प्रा.डा चुन्द्रा बज्राचार्यले गर्नु भएको थियो ।

अतिथिहरुमा नेपालभाषा साहित्यका वरिष्ठ कवि तथा अनुसन्धाता डा केशबमान शाक्य, वरिष्ठ विद्धवान ब्यक्तित्व शंकरराज भण्डारी, साहित्यकार, भाषावीद् तथा शब्दयात्रा प्रकाशन गृहका अध्यक्ष हरि मञ्जुश्री, साहित्यकार स्वयम्भु शाक्य र लेखक तथा पत्रकार रिसव गौतम रहनु भएको थियो ।

टायम्स स्कुलको प्राङ्गणमा गरिएको सो पुस्तक लोकापर्ण समारोहमा थुप्रै साहित्यप्रेमी, बुद्धिजिवी तथा सँस्कृतिप्रेमी सहभागी हुनुहुन्थ्यो । कार्यक्रममा बोल्दै प्रमुख अतिथि फणिन्द्ररत्न बज्राचार्यले स्वयम्भु शाक्यले राम्रो काम गर्नुभएकोमा धन्यवाद दिनु भएको थियो । वायोबृद्ध उमेरका उहाँले आफु अहिले मान्छे समेत चिन्न नसक्ने र बोलेको पनि सुन्न नसक्ने अवस्था रहेको समेत बताए । उहाँले नेपाली भाषामा पहिलो पटक स्वयम्भु शाक्यको पुस्तक ‘धर : पौका अभियन्ता प्रा.डा चुन्दा बज्राचार्य’ माथी भुमिका लेखेको बताउनु भयो । र, भन्नुभयो ’मेरो नेपाली भाषामा अन्तिम भुमिका पनि यही नै हुनेछ’ ।

सो अवसरमा उहाँले विद्धवान लेखक स्वयम्भु शाक्यले प्रा डा चुन्दा बज्राचार्यले प्रकाशन गर्नु भएको र अप्रकाशित ‘धर : पौका’ को गहन अध्ययन अनुसन्धान गरी मल्लकालिन राजाहरुको ऐतिहासिक सामग्री धर : पौका ( मल्कालिन राजाहरुको कृयाकलाप) का ऐतिहासिक साम्रागीहरुको संकलन, सम्पादन, अनुवाद र ब्याख्या गर्ने विज्ञ प्राडा चुन्दा बज्राचार्य पहिलो धर ः पौका अभियन्ता भनी सम्मान गर्नुभएकोमा अभार ब्यक्त गर्नु भएको थियो ।

त्यसैगरी कार्यक्रममा अतिथिहरु डा केशबमान शाक्य, शंकरराज भण्डारी, हरि मञ्जुश्रीले पुस्तकमाथी टिप्पणी गर्नुभएको थियो । उहाँहरुले स्वयम्भु शाक्यको प्रतिभावान ब्यक्तित्व र लेखनको तारिफ गर्नु भएको थियो । कार्यक्रममा साहित्य, कला, सँस्कृति र पत्रकारितामा कृयाशिल वरिष्ठ कवि डा इन्दुल केसीले पनि पुस्तक माथी बोल्नु भएको थियो ।

कार्यक्रमको अध्यक्षता गर्नु भएका ‘धर : पौका अभियन्ता प्रा.डा चुन्दा बज्राचार्य’ पुस्तकका नायक प्रा.डा चुन्दा बज्राचार्यले लेखक शाक्यको कार्यको प्रशंसा गर्दै आफु उहाँको लेखनबाट खुशी भएको बताउनु भयो । उहाँले लेखक शाक्यले पगरी गुथाए जस्तै ‘धर ः पौका अर्थात मल्लकालीन राजाहरुको कृयाकलापहरुको अभिलेख राख्ने, खोज तथा अनुसन्धान गरेर लेख्ने आफु नै पहिलो भएको बताउनु भयो । उहाँले कार्यक्रमबीच धर ः पौका इतिहासको संक्षिप्त बर्णन गर्नु भएको थियो।