काठमाडौं । कामना सेवा विकास बैंकले नगद लाभांश खातामा पठाएको छ । गत असोज ३० गते सम्पन्न बैंकको १८ औं वार्षिक साधारण सभाले अनुमोदन गरेको लाभांश आफ्ना शेयरधनीको खातामा पठाएको हो ।

बैंकले शेयरधनीहरुको हितग्राही खातामा उल्लेख भएको बैंक खातामा ५ प्रतिशत नगद लाभांश (कर सहित) जम्मा गरेको जनाएको छ ।

बैंकले हालसम्म पनि डिम्याट खाता र बैंक खाता अपडेट नगरेका शेयरधनीलाई तुरुन्त अध्यावधिक गर्न पनि आग्रह गरेको छ । खाता अध्यावधिक भएपछि सम्बन्धित शेयरधनीको खातामा नगद लाभांश जम्मा हुने छ । बैंकले गत वर्षको नाफाबाट ७ प्रतिशत बोनस शेयर र ५ प्रतिशत नगद लाभांश वितरण गरेको थियो ।