चार लघुवित्तले घोषणा गरे लाभांश, कुनको कति बोनस ?
वि.सं.२०८१ असोज २० आइतवार
काठमाडौं । हालसम्म चार वटा लघुवत्ति वित्तीय संस्था गुराँस लघुवित्त, स्वालम्वन, आशा र फरवार्ड माइक्रोफाइनान्स लघुवित्त वित्तीय संस्थाले लाभांश घोषणा गरेका छन् ।
लाभांश सिजन सुरु भएपनि लघुवित्त तर्फका चार वटा कम्पनीहरुले लाभांश घोषणा गरेका हुन् । यो वर्ष गुराँस लघुवित्तले आफ्ना सेयरधनीलाई १५ प्रतिशत लाभांश दिने भएको छ । कम्पनीले १४.२५ प्रतिशत बोनस र कर प्रयोजनका लागि ०.७५ प्रतिशत नगद लाभांश दिने भएको हो ।
त्यसैगरी फरवार्ड लघुवित्तले १४ प्रतिशत लाभांश दिने भएको छ । यो वर्षका लागि कम्पनीले १३.३ प्रतिशत बोनस र कर प्रयोजनका लागि ०.७ प्रतिशत नगद लाभांश दिने भएको हो ।
यस्तै, स्वालम्वन लघुवित्तले पनि १४.७५ प्रतिशत बोनस शेयर र कर प्रयोजनका लागि ०.७५, आशा लघुवित्तले पनि १४.२५ प्रतिशत र कर प्रयोजनका लागि ०.७५ प्रतिशत नगद लाभांश दिने भएको छ ।
प्रकाशित समय : १३:५५ बजे
