काठमाडौं । नेपाल कपडा तथा सिलाई व्यवसायी महासंघको कोषाध्यक्षमा युवा व्यवसायी राज कार्की निर्वाचित भएका छन् ।

आइतबार सम्पन्न दोस्रो महाधिवेशनबाट कोषाध्यक्षमा उनी सर्वसम्मत निर्वाचित भएका हुन् ।

कपडा तथा सिलाई व्यवसायी संघ काठमाडौंका अध्यक्ष समेत रहेका कार्की महासंघको कोषाध्यक्षमा निर्वाचित भएका हुन् ।

यस अगाडिको कार्यकालमा उनले महासंघको केन्द्रीय सदस्य तथा बागमती प्रदेशको सचिव भएर काम गरेका थिए ।

महासंघको कोषाध्यक्षमा सर्वसम्मत निर्वाचित गराउन भूमिका खेल्ने देशभरका सम्पूर्ण प्रतिनिधिहरुमा कार्कीले आभार व्यक्त गरेका छन्।

महासंघको कोषलाई व्यवस्थित गर्दै पारदर्शी रुपमा आर्थिक गतिविधि सञ्चालन गर्ने र कोषलाई थप विस्तार गर्ने उनको प्रतिबद्धता छ ।

कार्कीले नेतृत्व गरेको कपडा तथा सिलाई व्यवसायी संघ काठमाडौं उत्कृष्ट जिल्ला कार्यसमिति समेत बन्न सफल भएको छ ।