भारी मतान्तरले चिरिबाबु फेरि बने ललितपुरको मेयर
वि.सं.२०७९ जेठ १० मंगलवार
काठमाडौं । चिरिबाबु महर्जन ललितपुर महानगरपालिकाको मेयरमा पुनः निर्वाचित भएका छन् ।
नेपाली कांग्रेसबाट उम्मेदवार बनेका महर्जन ४२ हजार ७२२ मतसहित विजयी भएका हुन् ।
उनले नेकपा एमालेका हरिकृष्ण ब्यञ्जनकारको भन्दा १८ हजार १६२ मत बढी ल्याए । ब्यन्जनकारले २४ हजार ५६० मत मात्रै पाए ।
दोस्रो कार्यकालका लागि निर्वाचित मेयर चिरिबीबु महर्जनले यसअघि २०७४ सालको स्थानीय निर्वाचनमा हरिकृष्ण ब्यञ्जनकारलाई ३सय २६ मतले पराजित गरेका थिए ।
यो पटक भने भारी मतान्तरले महर्जन विजयी भएका छन् ।
प्रकाशित समय : २२:२९ बजे
