सिभिल बैंकले दशैं विदामा पनि सेवा प्रवाह गर्ने, कुन शाखा कहिले खुल्छ ?
वि.सं.२०७८ असोज १९ मंगलवार
काठमाडौँ । सिभिल बैंकले दशैंको सार्वजनीक विदामा पनि सेवा प्रवाह गर्ने भएको छ । बैंकले टिकाको दिनबाहेक अन्य दिन दशैं काउण्टर खोल्ने भएको हो ।
बैंकले सार्वजनिक विदा परेको घटस्थापनाको दिन समेत नेपालगञ्ज शाखा कार्यालय बिहान ११ बजेदेखि १ बजे खोल्नेछ । देशभरका अन्य शाखा वा दशैं काउण्टर भने यो दिन खुल्ने छैनन् ।
सिभिल बैंकले दशैं काउण्टरको सूची सार्वजनिक गर्दै घटस्थापना, फूलपाती, अष्ठमी, नवमी, दशमी, एकादशीका दिन खुल्ने बैंक शाखाको विषयमा जानकारी दिएको हो । बैंकले ती दिन बैंक काउण्टर तथा शाखा खुल्ने समयको विषयमा समेत जानकारी दिएको छ ।
फूलपातीको दिन २० वटा शाखा खुल्नेछन् । यो दिन बिहान ११ बजेदेखि १ बजेसम्म मात्र काउण्टर खुल्ने बैंकले जनाएको छ ।
अष्ठमीको दिन पनि ११ बजेदेखि १ बजेसम्म ११ ठाउँका काउण्टरहरु खुलाइनेछ ।
नवमीको दिन १३ वटा शाखा कार्यालय २ घण्टाका लागि खुल्नेछन् भने दशमी अर्थात टीकाको दिन कुनै पनि शाखा खुल्ने छैनन् ।
एकादशीको दिन भने देशका विभिन्न क्षेत्रका ७ वटा शाखा कार्यालय खुल्नेछन् ।
२०७८ असोज १९ गते प्रकाशित
प्रकाशित समय : ११:०९ बजे
