नेप्से दोहोरो अंकले बढ्यो, १० कम्पनीको सेयरमा सकारात्मक सर्किट
वि.सं.२०८१ साउन ३० बुधवार
काठमाडौं । बुधबार नेप्से परिसूचक दोहोरो अंकले बढेको छ । नेप्से ३४.२९ अंकले बढेर २९५७.७५ विन्दुमा कायम भएको छ ।
लगानीकर्ताहरू फाइनान्स समूहमा झुमिएका छन् । यो समूह ७.६७ प्रतिशतले बढेको छ । सूचीकृत कम्पनीमध्ये लाइफ इन्स्योरेन्स, माइक्रोफाइनान्स र म्यूचल फण्ड बाहेक अन्य सबै समूह बढेको छ । सबैभन्दा धेरै म्यूचलफण्डका लगानीकर्ताले ०.९० प्रतिशतका दरले गुमाएका छन् । यस दिन १० कम्पनीको सेयरमा सकारात्मक सर्किट लागेको छ ।
नेप्सेसँगै कारोबार रकम पनि बढेको छ । बुधबार २३ अर्ब ४३ करोड रुपैयाँ बराबरको कारोबार भएको छ । मंगलबार २१ अर्ब ५१ करोड रुपैयाँ बराबरको सेयर कारोबार भएको थियो ।
कारोबार रकममा आधारमा हिमालयन रि र शिवम् सिमेन्ट नै शीर्ष स्थानमा रहेका छन् ।
प्रकाशित समय : १५:२८ बजे
