छुट्नूहोला! आदर्श लघुवित्तको आइपीओमा आवेदन दिने आज अन्तिम दिन
वि.सं.२०७९ असार ५ आइतवार
आदर्श लघुवित्त वित्तीय संस्थाको आइपीओमा आवेदन दिने अन्तिम दिन आज असार ५ गते आइतबार रहेको छ । यस कम्पनीलेसर्वसाधारणका लागि ६७ लाख रुपैयाँ बराबरको आइपीओ जारी गरेको हो ।
यस कम्पनीको प्रतिकित्ता १०० अंकित मूल्यका दरले ६७ हजार कित्ता साधारण सेयर निष्कासन भएको हो ।
जसमा (५ % ) ३ हजार ३५० कित्ता सामुहीक लगानी कोष र (०.५% ) १ हजार ३५ कित्ता सेयर कर्मचारीहरुका लागि छुट्याइएको छ ।सर्वसाधारणले बाँकी ६२ हजार ६१५ कित्ताका लागि आवेदन दिन सक्नेछन् ।
यसमा न्यूनतम १० कित्तादेखि अधिकतम १ हजार कित्ताको लागि आवेदन दिन सकिनेछ ।
कम्पनीले जारी गरेको आइपीओमा शुक्रबार दिउँसो १ः४५ सम्मको अपडेट अनुसार १ करोड २१ लाख ३८ हजार ४२० कित्ताका लागिआवेदन परिसकेको थियो जुन माग भन्दा १९३.८५ गुणा बढी आवेदन हो ।
रेटिङ एजेन्सी कियर नेपालले आदर्श लघुवित्तको आइपीओलाई ‘कियर एनपी सिंगल बी प्लस इस्यूअर रेटिङ’ प्रदान गरेको छ जसलेकम्पनीको दायित्व बहन गर्ने क्षमतामा औसत जोखिम रहेको जनाउँछ ।
आदर्श लघुवित्तको आइपीओमा बिक्री प्रबन्धक बीओके क्यापिटल रहेको छ ।
प्रकाशित समय : १०:३१ बजे
