काठमाडौँ । सिद्धार्थ क्यापिटलले कम्पनीको साधारण सभा आह्वान गरेको छ । घोषित ४० प्रतिशत लाभांश वितरण गर्ने प्रस्ताव पारित गर्ने विशेष उद्देश्यका साथ कम्पनीले सभा आह्वान गरेको हो । क्यापिटलको भदौ १७ गते बिहीबार बसेको सञ्चालक समितिको बैठकले १० औँ वार्षिक साधारण सभा बोलाएको हो ।

क्यापिटलले १० औँ वार्षिक साधारण सभा असोज १८ गते, सोमबार सिद्धार्थ क्यापिटल लिमिटेड, नक्साल, काठमाडौंमा साँझको ४ बजे बोलाएको हो ।

क्यापिटलको सभामा हाल कायम चुक्ता पूँजीको ४० प्रतिशत अर्थात ८ करोड रुपैयाँ (करसहित) करसहित नगद लाभांश प्रदान गर्न सञ्चालक समितिले गरेको प्रस्ताव पारित गर्नेछ ।

त्यस्तै, सभामा कम्पनीको सञ्चालक समितिको तर्फबाट अध्यक्षद्वारा वार्षिक प्रतिवेदनबारे छलफल गरी पारित गर्नेछ । त्यस्तै, कम्पनीको आर्थिक वर्ष २०७८ असार मसान्तसम्मको लेखापरीक्षण प्रतिवेदन, वासलात, नाफा नोक्सान हिसाब र सोही अवधिको नगद प्रवाह विवरण लगायतका वित्तिय विवरणहरू छलफल गरी पारित गर्नेछ । सभामा आर्थिक वर्ष २०७८–७९ को लागि लेखापरीक्षक नियुक्ती गरी पारिश्रमिक पनि तोकिनेछ ।

२०७८ भदौ २८ गते प्रकाशित