काठमाडौँ। राष्ट्रिय सहकारी बैंकले गत आर्थिक वर्ष २०७७।०७८ को चौंथो त्रैमाससम्ममा १ अर्ब ६६ लाख ७४ हजार रुपैयाँ नाफा आर्जन गरेको छ । अघिल्लो आवमा ६८ करोड २८ लाख ८१ हजार रुपैयाँ नाफा कमाएको बैंकले गत आर्थिक वर्षमा त्यस्तो नाफा ४७.४१ प्रतिशतले बढाएको हो ।
बैंकका अनुसार गत आवको असार मसान्तसम्म खुद ब्याज आम्दानी र सञ्चालन मुनाफामा सुधार आउँदा नाफा बढेको हो ।

बैंकको सार्वजनीक वित्तीय विवरण अनुसार यता खुद ब्याज आम्दानीमा पनि वृद्धि भएको छ । अघिल्लो आवको असार मसान्तमा १ अर्ब १० करोड ७९ लाख १८ हजार रुपैयाँ खुद ब्याज आम्दानी गरेको बैंकले गत आवको सोही अवधिमा आईपुग्दा १ अर्ब ७४ करोड १८ लाख ३० हजार रुपैयाँ पुगेको छ । यस्तै सञ्चालन मुनाफा पनि ४४ करोड ६६ लाख ३४ हजार रुपैयाँबाट बढेर ६६ करोड ५० लाख ६३ हजार रुपैयाँ पुगेको छ ।

बैंकले प्रकाशित गरेको वित्तीय अवस्था अनुसार असार मसान्तसम्म २ अर्ब ८७ करोड ३२ लाख ७१ हजार रुपैयाँ सेयर पुँजी रहेको छ भने जगेडा कोषमा १ अर्ब ५२ करोड ३ लाख २६ हजार रुपैयाँ रहेको छ ।

अघिल्लो आवको असार मसान्तसम्म १४ अर्ब ८६ करोड १ लाख १५ हजार रुपैयाँ कर्जा लगानी गरेको बैंकले गत आवको सोही अवधिसम्म आईपुग्दा १९ अर्ब ७६ करोड १ लाख १५ हजार रुपैयाँ लगानी गरेको छ ।

बैंकको नाफामा उल्लेख्य वृद्धि देखिएपनि खराब कर्जा भने निकै बढेको छ । अघिल्लो आवको असार मसान्तमा ०.७० प्रतिशत रहेको खराब कर्जा अहिले ९८.५७ प्रतिशतले बढेर १.३९ प्रतिशत पुगेको छ ।

२०७८ साउन ८ गते प्रकाति