काठमाडौं । नेपाल फाइनान्सको जेठ १९ गते एक दिनको लागि बुक क्लो(शेयर दाखिला खारेज) हुने भएको छ । विशेष साधारण सभा प्रयोजनका लागि नेपाल फाइनान्सको शेयर दाखिल खारेज जेठ १९ गते बन्द हुने कम्पनीले जनाएको छ ।

सभा २८ गते कम्पनीको आफ्नै केन्द्रिय कार्यालयमा वेबिनारमार्फत गर्न लागेको छ । सभाबाट ललितपुर फाइनान्सलाई प्राप्ति गर्ने प्रस्ताव पारित गर्ने छ ।

सभाको प्रस्तावमा कम्पनीले ललितपुर फाइनान्सलाई १ बराबर १ शेयर स्वाप अनुपातमा प्राप्त गर्ने, प्राप्ति सम्बन्धी समझदारीपत्र, निर्णय तथा अन्तिम सम्झौताहरुको अनुमोदन गर्ने रहेको छ ।

त्यसैगरी, प्राप्तिपश्चात कम्पनीको प्रबन्धपत्र तथा नियमावलीमा आवश्यक संशोधन गर्न सञ्चालन समितिलाई अख्तियारी प्रदान गर्ने प्रस्ताव पनि पारित गर्नेछ ।
जेठ १८ गतेसम्म नेप्सेमा कारोबार भई जेठ २३ गतेभित्र कम्पनीको शेयर रजिष्ट्रारमा प्राप्त शेयर नामसारी लिखतको आधारमा शेयरधनी दर्ता किताबमा कायम शेयरधनीले मात्र उक्त सभामा भाग लिन पाउने कम्पनीले जानकारी दिएको छ ।

२०७८ जेठ १४ गते प्रकाशित