काठमाडौं । साताको पहिलो कारोबार दिन आज सेयर बजारमा गिरावट आएको छ । सेयर बजार घट्दा सबै सूचकहरु रातमम्मै देखिएका छन् ।

आज बजार मापक नेपाल स्टक एक्सचेञ्ज (नेप्से) आज ५५.९३ अंकले घटेर २५७७.४९ विन्दुमा झरेको छ । यता सेन्सेटिभ परिसूचक ११.०७ अंकले घटेर ४८५.९८ विन्दुमा झरेको छ । सेन्सेटिभ परिसूचक आज २।२३ प्रतिशतले घटेको हो ।

कूल २३२ कम्पनीको ८९ लाख ४८ हजार ९ सय ३७ कित्ता सेयर खरिदबिक्री हुँदा ४ अर्ब ११ करोड ३८ लाख १४ हजार २ सय ४६ रुपैयाँको कारोबार भएको छ ।

स्टकका अनुसार कारोबार भएका कूल १३ उपसमूहमध्य आज सबै उपसमूहको सूचक घटेको छ । आइतबार सबैभन्दा धेरै फाइनान्स, हाइड्रोपावर तथा इन्भेष्टमेन्ट समूह घटेको छ ।

आइतबार मैलुङ खोला जलविद्युत कम्पनीको सेयर मूल्य सर्वाधिक बढेको छ भने गुहेश्वरी मर्चेन्ट बैंक एण्ड फाइनान्सको सेयर मूल्य सर्वाधिक घटेको छ ।

त्यस्तै, अपि पावर कम्पनीले सर्वाधिक कारोबार गरेको छ । आज कम्पनीले १५ करोड ६ लाख १६ हजार २ सय २१ रुपैयाँको कारोबार गरेको छ ।

२०७८ असोज १७ गते प्रकाशित