काठमाडौं । सरकारले डेढ दर्जन निर्माण कम्पनी तथा आपूर्तिकर्ताहरुलाई कालो सूचीमा राख्ने भएको छ ।

विभिन्न सार्वजनिक निकायहरुबाट लेखी आएको सिफारिसका आधारमा १८ वटा कम्पनीलाई कालो सूचीमा राख्ने प्रक्रिया अघि बढाइएको सार्वजनिक खरिद अनुगमन कार्यालयले जनाएको छ ।

यी कम्पनीहरूलाई आफ्नो पक्ष स्पष्ट गर्न ७ दिनको अन्तिम म्याद दिइएको छ। यसअघि कार्यालयले कालो सूचीमा नपर्ने आधार प्रमाण भए ३० दिन भित्र लिखित स्पष्टीकण पेश गर्न भनेको थियो ।

सरकारले कुनैपनि जवाफ प्राप्त नभएपछि कालो सूचीमा राख्ने प्रक्रिया अघि बढाउन लागेको हो ।