काठमाडौं। नेपाल आयल निगमले सोमबार राती १२ बजेबाट लागु हुने गरी पेट्रोलियम पदार्थको मूल्य घटाएको छ।

ईण्डियन आयल कर्पोरेशन लिमिटेडबाट १ जुलाईमा प्राप्त नयाँ मूल्य अनुसार आयल निगम सञ्चालक समितिको बैठकले यस्तो निर्णय लिए हो।

पछिल्लो निर्णय अनुसार सोमबार मध्यरातबाट पेट्रोल, डिजेल र मट्टितेलको मूल्य प्रति लिटर ७ रुपियाँ ५० पैसा देखी पाँच रुपियाँसम्म घटेको छ।

आन्तरिकतर्फको हवाई इन्धनमा प्रति लिटर १४ रुपियाँ र अन्तर्राष्ट्रियतर्फ प्रति किलोलिटर ११५ अमेरिकी डलरले घटाइएको छ।

पछिल्लो निर्णयसँगै चारआली, विराटनगर, जनकपुर, वीरगन्ज, अमलेखगन्ज, भलवारी, नेपालगन्ज र धनगढी क्षेत्रमा पेट्रोलको मूल्य प्रति लिटर १६७.५० रुपियाँ कायम भएको छ।

त्यसै गरी डिजेल र मट्टितेलको मूल्य प्रति लिटर १४७.५० रुपियाँ भएको छ।दोस्रो वर्गमा पर्ने सुर्खेत र दाङमा पेट्रोलको मूल्य प्रति लिटर १६९ रुपियाँ र डिजेल अनि मट्टितेलको मूल्य १४९ रुपियाँ प्रतिलिटर कायम भएको छ।

काठमाडौं, पोखरा र दिपायलमा पेट्रोलको मूल्य अब प्रति लिटर १७० रुपियाँ भएको छ।त्यसैगरी डिजेल र मट्टितेलको मूल्य मध्यरातबाट १५० रुपियाँ प्रतिलिटर हुनेछ। एलपीजी ग्यासको मूल्यमा भने केही परिवर्तन भएका छैनन्।

निगमले इन्धन बिक्रीबाट पछिल्लो १५ दिनमै एक अर्ब ६० करोड रुपैयाँ मुनाफा गर्ने प्रक्षेपण गरेको छ। चालू आर्थिक वर्षमा निगमले आईओसीको झन्डै २४ अर्ब रुपैयाँ बक्यौता तिरिसकेको छ।

डिजेलमात्र आयात भइरहेको नेपाल-भारत पाइपलाइनबाट ‘आठ महिनाभित्र’ पेट्रोल पनि आउने ठूला तेल उत्पादकहरूले किन आपूर्ति घटाउने निर्णय गरेतर अझै पनि आफ्ना अन्य बक्यौता बाँकी नै रहेका कारण मूल्य समायोजनको विषयमा अझै स्पष्ट हुन नसकेको उनीहरू बताउँछन्।

वित्तीय अवस्था: नाफामा आयल निगम

गत सेप्टेम्बर महिनादेखि निगमले पेट्रोल, डिजेल, मट्टितेल र हवाई इन्धनको कारोबारमा नाफा कमाइरहेको छ।

अन्तर्राष्ट्रिय बजारमा कच्चा तेलको मूल्य बढेका बेला त्यसै अनुपातमा नेपालमा शुल्क नबढाइएको निगमका प्रवक्ता मनोज ठाकुरले बताए ।जस कारण आर्थिक वर्ष २०७८/७९मा झन्डै ४९ अर्ब रुपैयाँको घाटा बेहोरेको उनको तर्क छ।

‘‘एकातिर घाटा बेहोर्ने र अर्कोतर्फ आईओसीलाई समयमै पैसा पठाउन नसक्दा हाम्रो बक्यौता करिब २४ अर्बसम्म पुगिसकेको थियो।

त्यसपछि अन्तर्राष्ट्रिय बजारमा केही कमी आउनु र सोहीअनुसार मूल्य प्राप्त गर्दा केही चाहिँ उपभोक्तालाई पनि राहत दियौँ, केही मुनाफाबाट आईओसीको बक्यौता तिर्‍यौ,’’ प्रवक्ता ठाकुरले भने। उनले थपे चालु आर्थिक वर्षको जेठ मसान्त सम्ममा निगमले १७ अर्ब रुपैयाँ नाफा कमाएको थियो।

त्यस्तैगरि निगमले मूल्य अभिवृद्धि कर मार्फत ३.५ करोड र मूल्य स्थिरीकरण कोषका लागि सरकारबाट करिब ३.५ करोड रुपैयाँ प्राप्त गरेको अधिकारीहरू बताउँछन्। यी सबै रकम जुटाएर आईओसीको बक्यौता तिरेको उनीहरूले बताएका छन्।