विद्युतीय गाडी खरिद गर्न राष्ट्रिय वाणिज्य बैंकले १ करोड कर्जा दिने
वि.सं.२०८१ असोज १६ बुधवार
काठमाडौं । राष्ट्रिय वाणिज्य बैंक लिमिटेडले विद्युतीय गाडी खरिद गर्न १ करोड रुपैयाँ कर्जा दिने भएको छ । बैंक र एमएडब्लु– वृद्धि मोटर्स प्राइभेट लिमिटेड बीच विद्युतीय गाडीमा कर्जा लगानी गर्ने सम्बन्धमा सम्झौता भएको छ ।
सम्झौता अनुसार वार्षिक ७.७७ प्रतिशत स्थीर ब्याजदरमा निजी सवारी (रातो प्लेट) को नामी र सेरेस विद्युतीय गाडीका लागि मासिक किस्ताबन्दीमा कर्जा भुक्तानी गर्ने गरी बैंकले अधिकतम एक करोड रुपैंयाँसम्म कर्जा लगानी गर्ने छ ।
कर्जा रकमको ०.७५ प्रतिशत सेवा शुल्क लाग्ने छ । गाडीको कोटेशनमा अंकित मुल्यको विद्युतीय गाडीको बढिमा ८० प्रतिशतसम्म बैंकले कर्जा लगानी गर्ने छ भने बढिमा सात वर्ष सम्म कर्जा अवधि दिइने छ । यो सम्झौता २०८१ कात्तिक मसान्तसम्म मात्र लागू हुने छ ।
प्रकाशित समय : १३:५३ बजे
