इन्डोनेसियामा डुङ्गा दुर्घटना हुँदा २४ को ज्यान गयो
वि.सं.२०७८ साउन ७ बिहीवार
काठमाडौँ । इन्डोनेसियामा डुङ्गा दुर्घटना हुँदा २४ जना बढीको ज्यान गएको छ । देशको पश्चिम कालिमान्थान प्रान्तमा सामुद्रीक आँधीका कारण १८ डुङ्गा पल्टिँदा २४ जनाको ज्यान गएको हो भने ३१ जना बेपत्ता भएका हुन्।
उद्धारकर्ताले बेपत्ता भएकाको खोजी तीव्र बनाइएको पनि उनीहरुले बताएका छन् । उद्धारकर्ताले ८३ जनालाई भने सकुशल उद्धार गरेका छन् ।
बन्दरगाहा नजिकै दुर्घटना भएका डुङ्गा भने नियन्त्रणमा ल्याइसकिएको अधिकारीले जानकारी दिएका छन् ।
खोजी तथा उद्धार जारी रहेकाले मृत्यु भएकाको सङ्ख्या अझ धेरै हुनसक्ने उद्धारकर्ताले बताएका छन् ।
इन्डोनेसियामा सामुद्रीक आँधी बेलाबेलामा आइरहने र ठूलो मानवीय क्षति भइरहने गरेको छ ।
२०७८ साउन ७ गते प्रकाशित
प्रकाशित समय : १२:०२ बजे
