काठमाडौं, ४ चैत – ग्लोबल आइएमई बैंक लिमिटेडको ‘डिबेन्चर २०८६/८७’ मा आवेदन दिने म्याद लम्बिएको छ।

बैंकले चैत १ गतेदेखि ‘८.५० प्रतिशत डिबेन्चर निष्काशन तथा बिक्री खुला गरेको थियो । सो ऋणपत्रमा चैत १६ गतेसम्म आवेदन दिन सकिने भएको छ ।

बैंकले प्रतिऋणपत्र एक हजार अंकित मूल्यका ३ अर्ब रुपैयाँ बराबरको ३० लाख कित्ता ऋणपत्र निष्काशन गरेको हो। निष्काशन गरिएको कुल ऋणपत्रमध्ये १ अर्ब ८० करोड रुपैयाँ बराबरको १८ लाख कित्ता ऋणपत्र व्यक्तिगत तवरबाट बाँडफाँट गरिनेछ।

बाँकी १ अर्ब २० करोड रुपैयाँ बराबरको १२ लाख कित्ता ऋणपत्र सर्वसाधारणहरुमा बिक्री गरेको हो। सर्वसाधारणलाई निष्काशन गरिएको ऋणपत्रमध्ये ५ प्रतिशत अर्थात ६० हजार कित्ता सामूहिक लगानी कोषका लागि छुट्याइएको छ।सो ऋणपत्रमा न्यूनतम २५ कित्तादेखि अधिकतम १० लाख कित्तासम्मका लागि आवेदन दिन सकिनेछ।