काठमाडौं । कालीमाटी फलफूल तथा तरकारी बजार विकास समितिले आज (आइतबार) का लागि कृषिउपजको न्यूनतम थोक मूल्य सार्वजनिक गरेको छ।
समितिका अनुसार ठूलो नेपाली गोलभेडा प्रतिकेजी ४० रुपैयाँ, भारतीय ठूलो गोलभेडा ६० रुपैयाँ र सानो टनेल गोलभेडा १५ रुपैयाँमा कारोबार भइरहेको छ। आलु रातो (लाम्छो, गोलो र मुडे) प्रतिकेजी ४८ रुपैयाँ, भारतीय रातो आलु ३३ रुपैयाँ र सेतो आलु ३० रुपैयाँ तोकिएको छ। भारतीय सुकेको प्याज ५४ रुपैयाँ, लोकल गाजर १०० रुपैयाँ र तराई गाजर ७० रुपैयाँमा बिक्री भइरहेको छ।
यस्तै बन्दा (तराई) २५ रुपैयाँ, स्थानीय काउली ८० रुपैयाँ, रातो मूला २० रुपैयाँ, सेतो मूला (लोकल) र हाइब्रिड दुवै १० रुपैयाँ, लाम्चो भन्टा ४० रुपैयाँ, डल्लो भन्टा ५० रुपैयाँ, तने बोडी ६० रुपैयाँ, मकै बोडी ७० रुपैयाँ तथा घिउ सिमी (लोकल र हाइब्रिड) प्रतिकेजी १०० रुपैयाँ रहेको छ।
त्यसैगरी टाटे सिमी ९० रुपैयाँ, भटमासकोसा ८० रुपैयाँ, तितो करेला, लौका, परवर (लोकल र तराई) प्रतिकेजी ५० रुपैयाँ, चिचिन्डो २५ रुपैयाँ, घिरौला ५० रुपैयाँ, झिगूनी ६० रुपैयाँ, पाकेको फर्सी ५० रुपैयाँ, हरियो फर्सी ६० रुपैयाँ, भिण्डी ४० रुपैयाँ, सखरखण्ड १०० रुपैयाँ, पिँडालु ९० रुपैयाँ र स्कुस ५० रुपैयाँमा कारोबार भइरहेको छ।
सागपाततर्फ रायो साग १५० रुपैयाँ, पालुङ्गो साग २५० रुपैयाँ, तोरीको साग १०० रुपैयाँ र हरियो प्याज १५० रुपैयाँ तोकिएको छ। कन्या च्याउ २३० रुपैयाँ, डल्ले च्याउ ३५० रुपैयाँ, राजा च्याउ ३०० रुपैयाँ, सिताके च्याउ ८०० रुपैयाँ, कुरिलो ४०० रुपैयाँ, ब्रोकाउली १०० रुपैयाँ, चुकन्दर ६० रुपैयाँ, सेलरी १८० रुपैयाँ, पास्र्ले ४०० रुपैयाँ, पुदीना ४०० रुपैयाँ र गान्टे मूला १५० रुपैयाँ रहेको छ।
फलफूलतर्फ फूजी स्याउ प्रतिकेजी २८० रुपैयाँ, नेपाली केरा प्रतिदर्जन २५० रुपैयाँ, मालभोग केरा १८० रुपैयाँ, कागती १४० रुपैयाँ, अनार ४५० रुपैयाँ, मालदह र दसहरी आँप १८० रुपैयाँ, हरियो तरबुजा ६० रुपैयाँ, जुनार २७० रुपैयाँ, भुईँकटहर प्रतिगोटा १८० रुपैयाँ, लोकल काँक्रो ३० रुपैयाँ, हाइब्रिड काँक्रो १० रुपैयाँ, लोकलक्रस काँक्रो २० रुपैयाँ, रुख कटहर ४० रुपैयाँ, लोकल नास्पाती ८० रुपैयाँ, नेपाली मेवा ८० रुपैयाँ, भारतीय मेवा १०० रुपैयाँ र लप्सी ५० रुपैयाँमा कारोबार भइरहेको समितिले जनाएको छ।
यस्तै अमला २४० रुपैयाँ, काँचो नरिवल ६० रुपैयाँ, हरियो नरिवल १५० रुपैयाँ र नेपाली ड्रागन फ्रुट प्रतिकेजी ३५० रुपैयाँ न्यूनतम मूल्यमा बिक्री भइरहेको छ।
