अस्पताल तथा नर्सिङ होमहरुले आधार दरमै १० लाख देखि ३ करोडसम्मको ऋण पाउने
वि.सं.२०७८ जेठ १४ शुक्रवार
काठमाडौँ । मेगा बैंकले तत्कालै ‘मेगा जीमन रक्षा कर्जा’ योजना सार्वजनीक गरेको छ । मुलुक कोभिडसँग लडिरहेको समयमा बैंकले हस्पताल तथा नर्सिङ होमहरुलाई सुलभ तरिकाले कर्जा प्रवाह गर्न यस्तो योजना सार्वजनीक गरेको हो । योजना अनुसार अस्पताल तथा नर्सिङ होमहरुलाई बैंकले आधार दरमै ऋण प्रवाह गर्ने भएको हो । अहिले बैंकले अन्य विभिन्न कर्जाहरुमा आधारदरको पाँच प्रतिशतसम्म बढी ब्याजदरमा कर्जा प्रवाह गरिरहेको छ ।
योजना अनुरुप अस्पताल तथा नर्सिङ होमहरुले अक्सिजन प्लान्ट स्थापनाका साथै अक्सिजन कन्सन्ट्रेटर, भेन्टिलेटर आदि खरिदको बैंकबाट कर्जा लिन सक्ने छन् । प्रशासनिक शुल्क तिर्नु नपर्ने गरि १० वर्ष अवधिका लागि १० लाख देखि ३ करोड सम्मको लोन लिन सकिने बैंकले जनाएको छ ।
२०७८ जेठ १४ गते प्रकाशित
प्रकाशित समय : ०३:२६ बजे
